ეს არის ის უჩინარი მტერი, რომელიც არ დარჩება ჩვენს ცხოვრებაში ერთი დღით და ერთი თვით, არამედ მოგვიწევს მასთან ერთად ვიცხოვროთ და შესაბამისად, უნდა ვისწავლოთ ის არაფარმაცევტული ღონისძიებები, რომლებიც არის მოწოდებული მსოფლიოს ჯანდაცვის ორგანიზაციის მხრიდან, – ამის შესახებ ჯანდაცვის მინისტრმა ეკატერინე ტიკარაძემ ანტიკრიზისული ეკონომიკური გეგმის წარდგენაზე განაცხადა.
როგორც მინისტრმა აღნიშნა, ამ პერიოდის განმავლობაში მოქალქეებმა მაღალი სოციალური პასუხისმგებლობა გამოიჩინეს.
„პირველ რიგში, დიდი მადლობა მინდა გადავუხადო ჩვენს მოქალაქეებს იმ მაღალი სოციალური პასუხისმგებლობისთვის, რომელიც მათ გამოიჩინეს. მათ გარეშე ყველაფერი ის, რაც განხორციელდა, იქნებოდა შეუძლებელი. ასევე, უნდა აღვნიშნო, რომ ის კოორდინაცია და ის ერთობა, რაც ზოგადად იყო გუნდში და ის შრომა, რაც იყო გაღებული, დღეს არის სახეზე და შემდგომშიც მნიშვნელოვანია, რომ ეს ნაბიჯები ასე გაგრძელდეს. ეს არის ის უჩინარი მტერი, რომელიც არ დარჩება ჩვენს ცხოვრებაში ერთი დღით და ერთი თვით, არამედ მოგვიწევს მასთან ერთად ვიცხოვროთ და შესაბამისად, უნდა ვისწავლოთ ის არაფარმაცევტული ღონისძიებები, რომლებიც არის მოწოდებული მსოფლიოს ჯანდაცვის ორგანიზაციის მხრიდან და ყოველივე ამასთან ერთად, წარმატებულად ვმართოთ ჩვენი ეკონომიკაც და ასევე, ვმართოთ ჩვენი უსაფრთხო ჯანმრთელობა“, – განაცხადა ეკატერინე ტიკარაძემ.ა
