NDI-ის კვლევის თანახმად რესპონდენტთა უმრავლესობა მიიჩნევს, რომ 20 ივნისის ძალადობაზე პასუხისმგებელი ხელისუფლებაა. გამოკითხულთა 43% მიიჩნევს, რომ იმ ძალადობაზე, რომელსაც ადგილი ჰქონდა 20 ივნისს ხელისუფლებაა პასუხისმგებელი, 14% მიიჩნევს, რომ პასუხისმგებლობა ყველას ერთნაირად ეკისრება, 9% ამბობს, რომ ძალადობაზე პასუხისმგებელი პირადად გიორგი გახარიაა, 8% მიიჩნევს, რომ პასუხისმგებლობა „ნაციონალურ მოძრაობას“ ეკისრება, 7% ოპოზიციას ასახელებს, 4% ბიძინა ივანიშვილს, 2% მიიჩნევს, რომ ძალადობაზე პასუხისმგებლობა თვითონ აქციის მონაწილეებს ეკისრებათ, 1-1% კი შსს-ს და პოლიციას ასახელებს.
NDI-ის კვლევის საველე სამუშაოები 13-დან 29 ივლისამდე პერიოდს მოიცავს. სულ კვლევაში შედის 2132 დასრულებული ინტერვიუ და კვლევის საშუალო ცდომილება არის 1.7%. კვლევა ჩატარებულია NDI-ის დაკვეთით CRRC -საქართველოს მიერ. კვლევა ხორციელდება დიდი ბრიტანეთის მთავრობის UK aid -ის ფინანსური ხელშეწყობით.
