აფეთქების შედეგად ქუთაისში სამეცნიერო პიკნიკზე 5 ბავშვი დაშავდა, – ინფორმაციას შინაგან საქმეთა სამინისტო ადასტურებს.
როგორც ცნობილია ქუთაისის 33-ე საჯარო სკოლის კარავში, რომელშიც ქიმიური ცდების ჩვენებები ეწყობოდა აფეთქება მოხდა. მოსწავლეებს ექსპერიმენტის დროს კოლბა აუფეთქდათ. აფეთქების შედეგად ბავშვებმა ნაკაწრების სახით მსუბუქი დაზიანებები მიიღეს.
შსს-ს ინფორმაციით გამოძიება სისხლის სამართლის 124-ე მუხლით დაიწყო, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.
დაშავებული ბავშვებს სასწრაფო სამედიცინო დახმარება ადგილზევე გაუწიეს. როგორც ცნობილია კარავში ქუთაისის 33-ე, მე-10 და ჭიათურის საჯარო სკოლის მოსწავლეები იმყოფებოდნენ.
სამეცნიერო პიკნიკი ქუთაისის ცენტრალურ ბაღში დღეს 13:00 საათზე დაიწყო.
აფეთქების შედეგად ქუთაისში, სამეცნიერო პიკნიკზე 5 ბავშვი დაშავდა (+ფოტო)
