ქუთაისის მერიამ “განათლების განვითარების და დასაქმების ცენტრთან” ერთად დავით აღმაშენებლის სახელობის საერთაშორისო აეროპორტში აქცია “გააცანი შენი ქალაქი სტუმარს” მოაწყო.
მერის მოადგილე ნინო თვალთვაძემ ცენტრის წარმომადგენლებთან და მოხალისეებთან ერთად, აეროპორტში ჩამოსულ ტურისტებს პირადად გააცნო ინფორაცია იმის შესახებ, თუ რომელი კულტურულ ისტორიული ადგილები შეუძლიათ მოინახულონ ქუთაისში.
,,ქუთაისის მერიას განათლების დასაქმების და განვითარების ცენტრთან ერთად აქვს კამპანია ,,გააცანი შენი ქალაქი სტუმარს”. მსგავსი ტიპის ღონისძიებაში სიამოვნებით ვიღებთ მონაწილეობას. ქუთაისისთვის ტურიზმი ერთ-ერთი მზარდი მიმართულებაა და რა თქმა უნდა, მნიშვნელოვანია ნებისმიერმა ჩამომსვლელმა, რომელიც ქუთაისის აეროპორტით ისარგებლებს, გაიგოს უფრო მეტი ქუთაისის, მისი ტურისტული ადგილმდებარეობის შესახებ და ამას მაქსიმალურად ვეცდებით სხვდასხვა აქტივობებით,”-განაცხადა ქუთაისის მერის მოადგილემ ნინო თვალთვაძემ.
