უფალი ჩვენთან არის, უფალი არ დაგვტოვებს ჩვენ. უფალი აღგვავსებს ჩვენ სიყვარულით. არ უნდა შეგეშინდეთ. არ უნდა გაგიტყდეთ გული, – ამის შესახებ სრულიად საქართველოს კათოლიკოს-პატრიარქმა, ილია მეორემ სვეტიცხოველში ქადაგებისას განაცხადა.
უწმინდესმა მრევლს, სრულიად საქართველოს სვეტიცხოვლობის დღესასწაული მიულოცა და დღევანდელი დღის მნიშვნელობაზე ისაუბრა. პატრიარქმა გაიხსენა ის დღეები, როდესაც ეკლესიაში ცოტა ხალხი დადიოდა. პატრიარქი, უწმინდესი და უნეტარესი, ეფრემ მეორე მას აგზავნიდა ტაძარში სადღესასწაულო ლოცვის ჩასატარებლად. უწმინდესმა აღნიშნა, რომ “ახლა სხვა ვითარებაა”.
“მრავალი სასწაული გვინახავს ჩვენ, მაგრამ აი, ეს სასწაული, რომ უფალი ჩვენთან არის, უფალი გვიძღვება წინ, უფალი არ დაგვტოვებს ჩვენ, უფალი აღგვავსებს სიყვარულით. არ უნდა შეგეშინდეთ. არ უნდა გაგიტყდეთ გული. ჩვენ უნდა გვახსოვდეს, რომ უფალი როდესაც გვაძლევს ჩვენ განსაცდელს, იგივე უფალი გვაძლევს ძალას. ძალას, რომელიც გვეხმარება ჩვენ.
მე გულითადად მივესალმები პრეზიდენტს, პრემიერ-მინისტრს, რომლებიც აქ ესწრებიან. ღმერთი იყოს თქვენი მფარველი. ღმერთმა გაგაძლიეროთ” – თქვა განაცხადა პატრიარქმა.
“ობლად დარჩენილი ოთხი პატარა” – ცნობილია ავარიაში დაღუპული ცოლ-ქმრის ვინაობა
მესტიისა და ჭუბერის გზაგასაყარზე ავტოსაგზაო შემთხვევას ორი ადამიანი ემსხვერპლა. დაღუპულია ცოლ-ქმარი. წყვილი ავტომობილით მდინარე ნენსკრაში გადავარდა. ადგილობრივების ინფორმაციით, ცხედრები უკვე ამოასვენეს. “მეგა ნიუსის” ინფორმაციით დაღუპულები არიან მზეო უმფრიანი და ლევან...
