სასტიკი მკვლელობა თელავში – “პირველებმა” მომხდარის ახალი დეტალები გაარკვია. ირკვევა, რომ მარიამ გამტკიცულაშვილი აბაზანაში მოკლეს. დანაშაულის ჩადენის დროს სახლში მუსიკა იყო ჩართული, რომ მეზობლებს ქალის კივილი არ გაეგოთ. ცნიბილია ისიც, რომ დამნაშავე ნასვამ მდგომარეობაში იმყოფებოდა.
მოკლულის ოჯახი დამნაშავის უმკაცრესად დასჯას მოიითხოვს. მოკლულის დედა, რომელიც გვერდზე კორპუსში ცხოვრობს, მომხდარს იხსენებს.
გოგო მოვიდა, რომ „ბებო, დედას ახრჩობს ის გარეწარიო“. ასევე ავიღე ტელეფონი და ამის გამომძებელი ვინც იყო, იმიტომ, რომ 3 ოქტომბერსაც იყო ასეთი რაღაცა და დააჭერინა ამ უბედურმა. გამომძიებელს ვაიბერში მივწერე ხმოვანი შეტყობიენა, რომ “ჩქარა, გიორგი, თორნიკეა მისული და მარის ახრჩობს”.
სანამ ისინი მივიდნენ, მანამდე ყელგამოჭრილი ჰყავდა. იმ წვიმაში მდგარა სადრაბაზოში და უტირია… ჩემზეც იძალადა, ექსპერტიზაზეც ვიყავით მე და ეს უბედური. იმ თავიდან დღემდე ეუბნებოდა, რომ „შენ ცოცხალი გვამი ხარ, დადიხარ, მაგრამ გვამი ხარ“. არაფერი საეჭვიანო არ ჰქონდა, თითონ იყო ფსიქოპატი. დაკავებული იყო, შეაცვლევინეს აზრი ამ უბედურს, თორემ ის 2000 არ უჭველიდა მაგ გარეწარს. პირველ რიგში, ის და ბიძამისი უნდა ჩასვა. მარტოკა რომ დაიგულა. ის გოგო გამოექცა, ჩემამდე მოაღწია და ამასთან გამოჭრა ყელი. ის რომ გაიქცა, ბავშვი დაბლა, ყელგამოჭრილს ეხვეოდა. წლისა 5 თვისა, – ამბობს დედა.
23 წლის ქალის მკვლელობისთვის დაკავებულს დღეს ბრალს ოფიციალურად წარუდგნენ. ახალგაზრდა კაცს ოც წლამდე ან უვადო პატიმრობა ემუქრება.
სასტიკი ანგარიშსწორება გუშინ 4 საათზე ალაზნის გამზირზე, ნაქირავებ ბინაში მოხდა, სადაც 26 წლის გოგო სამ არასრუწლოვანთან ერთად ცხოვრობდა. მამაკაცი ბინაშ მოტყუებით შევიდა. მეზობლები ამტკიცებენ, რომ მათ კონფლიქტის ხმა არ გაუგიათ.
