“ემიგრანტს შვილი მოუკლეს. ის საქართველოში საბერძნეთიდან უკვე ჩამოფრინდა… მიწისთვის მენანები, რამხელა სიმწარეა ემიგრანტი დედა…. 16 წლის უნახავი შვილი. კიდევ რამდენი წელი ესე ეკრანს მიღმა შვილოო, გული დამიბერდაო… დათუნა აღარ ყავს უკვე…
ღმერთო აცხოვნე ეს ბიჭი და დედამისს მიეცი ძალა, რომ იცოცხლოს… იცოხლოს… მაგრამ ის მუდამ ტკივილიანი, იარაშეუხორცებელი მოვა შენს საფლავთან და ჩამოგძახებს: “ემიგრანტი დედა მოგიკვდეს შვილო”.
შენს სახლში სანთლები ტირიან, შებრალებას ითხოვენ… შენ, შენ რატომ არ შეგებრალა შენი ამდენი წლის მონატრებული ემიგრანტი დედა…
ვანში მოკლული ახალგაზრდა ემიგრანტის ლეილა ხელაძის შვილია… ძალიან რთულია, სიტყვებით ვერ აგიღწერთ, როგორი სიმწარე და საშინელებაა ეს… ჩაეხუტა გაყინულ შვილს ემიგრანტი დედა უკვე…,”-წერს “შოთო სიხარულიძე ქართველი ემიგრანტები”.
ვანში, 39 წლის მამაკაცი ზურგიდან მიპარვით მოკლეს, მას დანა ჩაარტყეს. შემთხვევა მარიამობას მოხდა. ათზე მეტი ჭრილობით, დავით მხეიძე ადგილზე გარდაიცვალა, მისთვის სასიკვდილო არტერიაში მოხვედრილი ცივი იარაღი აღმოჩნდა.
მკვლელობა ვანის ცენტრში მოხდა. კაფეში, სხვადასხვა სუფრაზე მსხდომებს შორის დაპირისპირება ყოფით ნიადაგზე დაიწყო. დავით მხეიძემ, რომელიც ამ ობიექტის მეპატრონე იყო, სტუმრების გაშველება სცადა, მოუწოდა მათ, რომ ჩხუბი შეეწყვიტათ, ადგილზე ვითარება რამდენიმე წუთით განეიტრალდა, თუმცა როგორც აღმოჩნდა, მხეიძის ნათქვამმა, ერთ-ერთი სტუმარი გააღიზიანა, დანა აიღო და გარეთ გასულს უკან დაედევნა.
მედიის ინფორმაციით, დამნაშავემ შემთხვევის ადგილი დატოვა. მანამდე მის დაჭერას მიმდებარე ტერიტორიაზე შეკრებილებიც ცდილობდნენ, თუმცა მან გაქცევა მაინც მოახერხა.
39 წლის დავით მხეიძის მკვლელობის საქმეზე, სამართალდამცველებმა ერთი პირი მალევე დააკავეს, მის წინააღმდეგ გამოძიება განზრახ მკვლელობის მუხლით მიმდინარეობს.
გავრცელებული ინფორმაციით, ის ადგილობრივი არ არის და ვანში სტუმრად იყო ჩასული.
