“საჩხერის მუნიციპალიტეტის თვითმმართველობა მოგმართავთ თხოვნით, გაუფრთხილდით საზოგადოებრივი დანიშნულების ობიექტებს, სპორტულ მოედნებს, სკვერებს, ისტორიულ ძეგლებს.”-პოსტს საჩხერის მერია ფოტომასალასთან ერთად ავრცელებს:
“ბოლო დროს მუნიციპალიტეტის მასშტაბით გახშირდა სკვერებში, დასასვენებელ სივრცეებსა და სპორტულ მოედნებზე ვანდალური ფაქტები, რაც გამოიხატება არსებული ინფრასტრუქტურის დაზიანებასა და განადგურებაში, მოპარულია ურნები.
ყველა ინფრასტრუქტურული თუ კულტურული ობიექტის მშენებლობა-რეაბილიტაცია დაგეგმილია მოსახლეობის ინეტერესებიდან გამომდინარე. იხარჯება თანხები როგორც ცენტრალური, ისე ადგილობრივი ბიუჯეტიდან.
გაკეთებიდან რამდენიმე ხანში ხდება აღნიშნული ობიექტების განადგურება ისე, რომ პირვანდელ დანიშნულებას ვეღარ პასუხობს.
საჩხერის მუნიციპალიტეტის თვითმმართველობა მოგმართავთ თხოვნით, გაუფრთხილდით საზოგადოებრივი დანიშნულების ობიექტებს, სპორტულ მოედნებს, სკვერებს, ისტორიულ ძეგლებს.”-ვკითხულობთ პოსტში .
