ერეკლე დეისაძისა და თემო ეზუგბაიას პროექტის Eko & Vinda Folio ლაივი დღეს წყალტუბოში გაიმართა. მათ სადებიუტო ალბომი “თერაპია” პირველად შეასრულეს ცოცხლად. ღონისძიება წყალტუბოში, ყოფილი სანატორიუმის “მედეა” ტერიტორიაზე ჩატარდა.
პროწქტი Eko & Vinda Folio ფრანგული ტურნესთვის ემზადება. როგორც თემო ეზუგბაიამ ტელეკომპანია ”მეგა ტვ”-ს განუცხადა, საინტერესო იქნება როგორ მიიღებს ფრანგი მსმენელი კავკასიურ ბგერებს.
მუსიკოსის, ერეკლე დეისაძის თქმით მისთვის მნიშვნელოვანია ახალი პუბლიკა, და კარგი იქნება თუ თბილისი, თავკომბალების ქალაქი გაიშლება და რეგიონებში გავა. როგორც ერეკლემ ”მეგა ტვ”-თან საუბრისას აღნიშნა ალბომზე სამი წელი მუშაობდა, საფრანგეთის ტურნე კი, რომელიც 8 ქალაქს მოიცავს თვის ბოლოს დაიწყება. მისივე თქმით დაგეგმილ ვიზიტს უკვე კარგი გამოხმაურებები მოჰყვა ფრანგულ მედიაში.
კონცერტს ესწრებოდა ყველასთვის ცნობილი და საყვარელი მსახიობი გიორგი ბოჭორიშვილი, რომელმაც აღნიშნა რომ კარია როცა კულტურა იშლება და რეგიონებს მოიცავს.
“თერაპია” ფრანგულ მუსიკალურ ლეიბლზე, Talitres-ზე 2019 წლის სექტემბერში გამოვიდა, ამავე ლეიბლის ეგიდით 2019 წლის ნოემბრიდან დაგეგმილია Eko & Vinda Folio-ს ტურნე საფრანგეთში. აქვე გეტყვით, რომ არტარეას პროექტი “არტარეა ფესტივალი” წელს მეორედ ტარდება საქართველოს სხვადასხვა ქალაქში Check in Georgia-ს ფარგლებში.
წლევანდელი ფესტივალის ფარგლებში უკვე ჩატარდა 3 ლაივი: 1. ჭიათურა – კაიაკატა, 2. რუსთავი – kordz & Dro, სპეციალური სტუმარი – TETSO 3. გორი – გიორგი ცაგარელის სიმებიანი ორკესტრი და ნიკა კოჩაროვი.
წლევანდელი ფესტივალი კი გასაოცარი ლაივით დღეს, 9 ნოემბერს, წყალტუბოში დასრულდა.
