დღეიდან ძალაში შევიდა კანონი „მომხმარებლის უფლებების დაცვის შესახებ“-ამის შესახებ ინფორმაციას momxmarebeli.ge ავრცელებს
კანონის მიღებით საქართველო დაუახლოვდა ევროკავშირის ძირითად ნორმატიულ აქტებს მომხმარებლის უფლებების დაცვის სფეროში, გაუმჯობესდა მომხმარებლის უფლებრივი მდგომარეობა და მისი დაცვის მექანიზმები, მეტი სტიმული მიეცა თანამედროვე, მსოფლიო დონეზე კონკურენტუნარიანი ბიზნესის განვითარებას ქვეყანაში.
მომხმარებელი უკეთ იქნება დაცული მოტყუებისგან, ფინანსური ზიანისგან, ხოლო ზიანის შემთხვევაში, უფრო ადვილად დაიცავს თავის უფლებებს.
სახელმწიფო უწყება, კონკურენციის ეროვნული სააგენტო ზედამხედველობას გაუწევს კანონის აღსრულებას. დარღვევების გამოვლენის შემთხვევაში Სააგენტო მითითებებს მისცემს მეწარმეებს, რომელთა შესრულება სავალდებულო იქნება. დაუმორჩილებლობის შემთხვევაში, სააგენტოს შეეძლება დააჯარიმოს მეწარმე, ან, სასამართლოს მიმართოს.
საკუთარი უფლებების დარღვევის შემთხვევაში, მომხმარებლებსაც ექნებათ შესაძლებლობა სააგენტოს მიმართონ. ამგვარად, იქმნება მომხმარებლის უფლებების დაცვის მარტივი, სასამართლოს ალტერნატიული მექანიზმი, რაც მნიშვნელოვნად გაუადვილებს მომხმარებლებს საკუთარი უფლებების დაცვას.
კანონი ნაწილობრივ ძალაში შედის 1 ივნისს, ხოლო Სრულად ამოქმედდება 1 ნოემბერს, როცა კონკურენციის ეროვნული სააგენტო დაიწყებს ამ კანონით გათვალისწინებული უფლებამოსილებების შესრულებას.
ასე რომ, ველით კანონის სწრაფ ამოქმედებასა და ქართველი მომხმარებლების მდგომარეობის გაუმჯობესებას!
