ევროკავშირის ლიდერები კრემლის წინააღმდეგ სანქციების მეექვსე პაკეტზე შეთანხმდნენ. ამ პაკეტში შედის რუსულ ნავთობზე ემბარგო, რუსული ნავთობის იმპორტის შემცირება, მილსადენით მიღებულ ნავთობზე,
გამონაკლისის სახით, პოლიტიკური გადაწყვეტილება მიღებულია. ევროკავშირის ერთიანია და მტკიცე, როგორც უკრაინის მხარდაჭერაში, ასევე რუსეთის ფედერაციის წინააღმდეგ, – განაცხადა ევროპულ საბჭოში გამართული სხდომის შემდეგ გამთენიისას პრეზიდენტმა შარლ მიშელმა.
ლიდერები ასევე შეთანხმდნენ უკრაინისთვის 9 მილიარდი ევროს მიკროსაფინანსო დახმარების გამოყოფაზე.
„ევროპულმა საბჭომ დღეს მნიშვნელოვანი გადაწყვეტილება მიიღო. უკრაინას სჭირდება ფინანსური რესურსები, რათა შეძლონ ქვეყნის აღმშენებლობა, რაც ნიშნავს მიკროსაფინანსო დახმარების აუცილებლობას. ჩვენ შევთანხმდით უკრაინისთვის 9 მილიარდი ევროს გამოყოფობაზე და ყველა იმ პროგრამის დაწყებაზე, რაც უკრაინის ხელახლა აშენებას მოხმარდება. ჩვენ გვინდა შევაჩეროთ რუსეთის ომის მანქანა და მივიღოთ ზომები, რომლებიც ხელს შეუწყობს რუსული არმიის დაფინანსების შეწყვეტას. ამის გაკეთება სანქციებითაა შესაძლებელი.
მოხარული ვარ გაცნობოთ, რომ ევროკავშირმა შეძლო მიეღწია შეთანმხებისთვის სანქციების მეექვსე პაკეტთან დაკავშირებით. შეთანხმებული ზომები რუსულ ნავთობზე ემგარგოს დაწესების შესაძლებლობას გვაძლევს მილსადენით მიწოდებულ ნავთობზე დროებითი გამონაკლისის გათვალისწინებით. აღნიშნული გადაწყვეტილებით ევროპა შეძლებს რუსული ნავთობის მიღება 90 %-ით შეამციროს. მინდა ყველა ჩემს კოლეგას დიდი მადლობა გადავუხადო. ჩვენ გვჭირდება დროულად გადაწყვეტილებების მიღება შექმნილ რთულ ვითარებაში. ვფიქრობ ძალიან სერიოზულ სიგნალს ვაგზავნით. ბოლო დღეებში იყო სპეკულაციები ერთიანობის დარღვევის რისკებთან დაკავშირებით. დღეს ერთიანობის დემონსტრირება აუცილებელია ისე, როგორც არასდროს. ჩვენ ვართ ერთიანი. მტკიცედ ვიცავთ ევროპულ ღირებულებებს, ჩვენს ინტერესებს.
გვაქვს ერთიანი და ძლიერი გზავნილი უკრაინელებისთვის, რუსეთისთვის, ევროკავშირის მოქალაქეებისა და მსოფლიოსთვის. დიდი მადლობა კოლეგებს ერთიანობისთვის და მტკიცედ დგომისთვის“, -განაცხადა შარლ მიშელმა.
