11 აპრილის შეჯამება გიორგი კობერიძის მიერ.
,,- დღეს გავრცელდა ინფორმაცია თითქოს მარიუპოლის მცველმა უკრაინელმა საზღვაო ქვეითებმა მათი ფინალური ბრძოლა დააანონსეს, რის შემდეგად ისინი გმირებად იქცეოდნენ.
ოფიცილური კიევის განცხადებით, როგორც აღმოჩნდა ეს ინფორმაცია იყო მიზანმიმართული ტყუილი, რომელიც მცველთა შორის დემორალიზაციის გავრცელებას ისახავდა მიზნად.
მიუხედავად იმისა, რომ წყარო თითქოს ოფიციალური იყო, მაგრამ მის მიღრმა რუსული დეზინფორმაცია იმალებოდა. რუსების მიერ მარიუპოლის “აზოველმა” მცველებმა წინათაც არაერთხელ აღნიშნეს, რომ თუკი მართლაც დადგებოდა ქალაქის დაცემის საშიშროება, ისინი საბოლოო ბრძოლას “აზოვსტალის” ქარხანაში გადაიხდიდნენ, რომლის მასშტაბებიდან გამომდინარე საუბარი გვაქვს რკინა-ბეტონის ციხე-სიმაგრეზე.
“აზოვსტალის” აღება თავად ქალაქი მარიუპოლის აღების დონის სირთულედ შეიძლება გადაექცეთ რუსებს. ამასთან, ქალაქში მცველებს რამდენიმე შრიანი თავდაცვის ზღუდე ჰქონდათ გაკეთებული. პირველი და მეორე ზღუდის გარღვევის მიუხედავად ცენტრის, სანაპირო ზოლისა და ქარხნების ტერიტორია უკრაინელთა ხელშია, სადაც თავდაცვის მესამე ზღუდეა წარმოდგენილი.
– დღეს აზოვის ნაწილმა ქალაქის გარეუბანში გამაგრებულ კვარტალურ დასახლებებში რუსულ სამხედრო ნაწილებზე მიიტანა შეტევა.
მათ გაანადგურეს რამდენიმე რუსული ტანკი და ჯავშანტრანსპორტიორი. ქალაქში რუსების განუწყვეტელი მსხვერპლის გამო რუსები ალაპარაკდნენ ქიმიური იარაღის გამოყენებაზეც, რაც არამხოლოდ კიდევ ერთი ჩადენილი საერთაშორისო სისხლის სამართლის დანაშაული იქნება, არამედ სიკვდილს უქადის თავად რუს მოალყე სამხედროებსაც კი.
თუმცა რუსეთისაგან მსგავსი რამ სულაც არ არის გამორიცხული, პირიქით, კრემლის ხელწერა ყველას და ყველაფრის განადგურებაა, მათ შორის საკუთარი ხალხის.
– ბოლო 24 საათია ლამის განუწყვეტლივ იბომბება ქალაქი ხარკივი (ხარკოვი). ნგრევა და მსხვერპლი საათობრივად მატულობს. რუსები დანამდვილებით ხვდებიან, რომ ამ ეტაპზე ქალაქის აღება შეუძლებელია მაგრამ ცდილობენ ინფრასტრუქტურული განადგურების ფონზე ქალაქი უცხოვრებელი გახადონ. ამასთან, დღეს იყო მცდელობა ქალაქის ირგვლივ შექმნილიყო ახალი საცეცხლე პოზიციები, მაგრამ დილით უკრაინულმა არტილერიამ რუსული სამხედრო კოლონა ქალაქის შემოგარენში გაანადგურა. კიდევ ერთი კოლონა განადგურა ხარკივი-დონბასის გზაზე (ვიდეო კომენტარებში).
– ლუგანსკის რაიონში ურაინელებმა რუსული ბაზა და იარაღის საწყობი პირწმინდად გაანადგურეს. ეს იყო არამხოლოდ ძველი საწყობი და ბაზა, არამედ განახლებული, რომელიც მიმდინარე გადაჯგუფების შემდეგ შეივსო. რუსებმა მნიშვნელოვანი ძალიან დიდი ზარალი მიიღეს. (მოვლენის ამსახველი ფოტო კომენტარებში).
– დონბასში (არ არის დაზუსტებული ადგილი) კიდევ ერთი რუსული კოლონა განადურდა. რუსები კვლავ გაწელილი კოლონებით გადაადგილდებიან. (ამსახველი კადრები კომენტარებში).
– რუსულმა ავიაციამ დღეს ქალაქი დონეცკის ირგვლივ დაიწყო ქალაქებისა და დასახლებების დაბომბვა. რეალურად სწორედ დონეცკის ირგვლივ არსებობს რეალური ფრონტის ხაზი და უკრაინელთა მიერ საუკეთსოდ გამაგრებული პოზიციები. რუსული ავიაცია უკრაინის სიღრმეში თავს არიდებს მოქმედებას. უკრაინის ცა ნელ-ნელა სრულად დაცული გახდება.
– უკრაინელები წერენ, რომ რუსული 58-ე არმიის მნიშნელოვანი ნაწილი განადგურებულია. 58-ე არმია სწორედ ისაა, საქართველოს წინააღმდეგ რომ იბრძოდა 2008 წელს.
– პენტაგონის განცხადებით ისინი დღეში 10-ჯერ მაინც აწვდიან უკრაინას სხვადასხვა ტიპის შეიარაღებას. ეს კი ნიშნავს, რომ უკრაინელი სამხედროები, როგორც კი კონკრეტული ტიპის იარაღს კარგად შეისწავლიან, შემდგომ ახალი პარტიის ათვისება აღარ გაჭირდება. სავარაუდოა, რომ ორ-სამ კვირაში უკრაინის გადაიაღება დასრულდება.
– რუსეთის პოლიტიკურ და სამხედრო წრეებში წმენდა მიმდინარეობს. უკრაინელები იმასაც კი წერენ პუტინის ყოფილი თანაშემწე და საქართველოსა და უკრაინის საკითხებში მთავარი დეზინფორმატორი ვლადისლავ სურკოვიც კი დაკავებულია. ძალიან რთული იქნება მსგავსი ინფორმაცია გდამოწმდეს, მაგრამ შიდა წრეებში რომ სიტუაცია ძველებურად ერთ ვერტიკალზე აღარაა აგებული და ე.წ. “კუდიანებზე ნადირობა” დაწყებულია, ეს სხვადასხვა წყაროებიდანაც ჩანს.
