აი, კრემლის სპიკერი რომაა, პესკოვი, იმან დღეს განაცხადა, რომ თუ ვინმეს გგონიათ, უკრაინას ნატოში შესვლის სურვილის გამო დავესხით თავს, მაგარი იდიოტები ხართო!
ცხადია, მთლად ასე პირდაპირ არ უთქვამს, მაგრამ იგულისხმებოდა. პესკოვმა თქვა, რომ თუ ფინეთი და შვედეთი NATO-ს წევრები გახდებიან, ეს არ იქნება განხილული როგორც ეგზისტენციალური საფრთხე რუსეთისათვისო!
ახლა თუ გაქვთ მსოფლიო რუკა სახლში (ბოლო-ბოლო დაგუგლეთ), გაზომეთ მანძილები ფინეთის საზღვრიდან პეტერბურგამდე ან მოსკოვამდე, მერე იგივე მანძილები გაზომეთ უკრაინიდან და გასაგები გახდება, რომ ნეიტრალიტეტი არაფერ შუაშია.
თუ მაინც გაუგებარია, მაშინ ზახაროვას მოუსმინეთ:
“უკრაინაში ყველაფერი იკრძალებოდა. ყველაფერი რაც დაკავშირებული იყო ეთნოსთან და კულტურასთან. კულინარიული წიგნებიც კი.
რატომ? იმიტომ რომ, არ შეიძლებოდა ბორში ყოფილიყო საერთო. ის ერთი ხალხის, ერთი ეროვნების კუთვნილება უნდა ყოფილიყო. არ შეიძლებოდა საერთო ყოფილიყო?
და ყველა ქალაქსა და რეგიონში დიასახლისს თავისებურად მოეხარშა? არა. მათ(უკრაინელებს) არ უნდათ კომპრომისზე წასვლა. სწორედ ეს არის ქსენოფობია, ნაციზმი და ექსტრემიზმის ყოველგვარი გამოვლინება.”
ანუ გამოდის, რომ საერთოდ ბორშის რეცეპტის გამო დასხმიან თავს.
დაეთმო ამ ზელენსკისაც ეს ბორში…
