,,განახლება 23:30 (7 მარტი):
– რუსულმა არმიამ დაიწყო კიევის დასავლეთით, ჟიტომირის გზის მიმართულებით გაშლის მცდელობა.
ეს იმის ინდიკატორია, რომ ისინი კიევზე შეტევას აუცილებალდ შეეცდებიან არამხოლოდ ირპინის მიმართლებიდან, რომლიდანაც ახლა აწარმოებენ ხოლმე, არამედ “ჩაიკას აეროპორტის” გავლითაც.
რუსულმა დანაყოფებმა შეძლეს ჟიტომირისაკენ მიმავალი საგზაო მონაკვეთის ნაწილის გადაკეტვა. სავარაუდოა რომ კიევზე შეტევას რუსები მომდევნო რამდენიმე საათში ან მომდევნო რამდენიმე დღეში ამ მიმართულებიდან წამოიწყებენ.
შესაძლოა ვიხილოთ უკრაინელთა მხრიდან პრევენციული დარტყმაც როგორც ეს რამდენიმე დღის წინ მაკარივთან უკვე მოხდა.
– უკრაინის სამხედრო ნაწილებმა ჩერნიჰივის ოლქში, კიევის აღმოსავლეთით დიდი რუსული ნავთობკოლონა გაანადგურეს.
როგორც ჩანს ისინი სუმის რაიონიდან (კიდევ უფრო აღმოსავლეთით, რუსეთის მომიჯნავედ) მოდიოდნენ და კიევთან მყოფი რუსული სამხედროებისათვის საწვავი მიჰქონდათ. ამით კიევზე რუსების შეტევა აღმოსავლეთიდან აუცილებლად შეფერხდება.
– მარიუპოლთან უკრაიენელბმა შუადღისას კონტრ-შეტევის წარმოება სცადეს და ოთხი ერთეული რუსული ტანკი და რამდენიმე ჯავშანტრანსპორტიორი გაანდგურეს.
ეს არ იყო ალყის გარღვევის მცდელობა, არამედ რუსული შემტევი პოტენციალის დაქვეითება, რაც წარმატებული გამოდგა.
– უკრაინულმა საჰაერო თავდაცვამ ორი რუსული გამანადგურებელი ჩამოაგდო კიევის თავზე, ხოლო კიდევ ერთი ლუგანსკის რაიონში.
– რთული სიტუაციაა დონბასში. რუსებმა დონეცკის რაიონში არსებული ფრონტის ხაზის გარღვევა შეძლეს და ზაპოროჟიეს რაიონის საზღვრებთან იმყოფებიან. სამხრეთ აღმოსავლეში უკრაინულ ნაწილებს გაუჭირდათ.
თუმცა აღსანიშნავაი, რომ რუსული კონტროლი ამ მიმართულებითაც კი ძალიან მყიფეა და ძირითადად გზების კონტროლზეა ორიენტირებული.
– მიკოლაივის წინააღმდეგ რუსული კიდევ ერთი შეტავა სრულად იქნა მოგერიებული.
– ჟიტომირის რაიონში რუსებმა უკრაინული ნავთობტერმინალი დაბომბეს.
– უკრაინელები აცხადებენ, რომ მათ მიერ დაზიანებული რუსული სამხედრო ხომალდი სახელად “ვასილი ბიკოვი” ჩაიძირა.-წერს გიორგი კობერიძე.
