იმიტომ, რომ ჩვენ გვიყვარს რაღაცა გლოვა და ნეკროლოგების წერა?.. არ მინდა!..-ეკა ხერხეულიძე

………….
„გორის ჰოსპიტალში ციხის რეჟიმია ამ წუთასაც. მიხეილ სააკაშვილს უნდა შეეცვალოს გარემო, სადაც უსაფრთხოდ იგრძნობს თავს, რომ დაექვემდებაროს მკურნალობას.

ბადრაგების მეთვალყურეობის ქვეშ მკურნალობდა და პროცედურებსაც ბადრაგების თანდასწრებით უტარებდნენ, დედასთან საუბრის დროსაც კი ბადრაგი იდგა შუაში.. და ამ ბადრაგების მოცილებას მიშას ისეთი რეაქცია მოჰყვა, რამაც ისევ მის ჯანმრთელობაზე გაიარა.. ბადრაგები მოაცილეს მხოლოდ მას შემდეგ, რაც მან თავი დაისაჯა საკუთარი ჯანმრთელობის ხარჯზე..

ყველანაირი სადამსჯელო ღონისძიებებით ცდილობენ მიხეილ სააკაშვილზე ზეწოლას და წამების განახლებას.

ჩემთვის რომ გეკითხათ, რა თქმა უნდა, თავიდანვე არჩევანი იყო მისი მრავალპროფილურ კლინიკაში გადაყვანა.. მაგრამ მე რომ ვუყურებ, სადამდე შეუძლიათ მისწვდნენ ამ ხელისუფლების საცეცები ადამიანს გასანადგურებლად და რა შეუძლიათ მოიმოქმედონ, მართლა ვეღარ წარმომიდგენია, საქართველოში სად შეიძლება იყოს ისეთი სივრცე, სადაც მათი გავლენა არ იქნება..

თქვენ წეღან უკრაინა ახსენეთ…
მე კატეგორიული წინააღმდეგი ვარ.. იმიტომ, რომ ამ ადამიანმა მსხვერპლი გაიღო იმისთვის, რომ ამ ქვეყანას ეშველოს და ამ ქვეყნის მოქალაქე ვარ მე…

მაგრამ არცერთ შემთხვევაში მისი სიცოცხლის ფასად!
თუ ის უნდა შეეწიროს და ფიზიკურად განადგურდეს, რაც შეიძლება მალე მირჩევნია მქონდეს იმის გარანტია, რომ ის არის ცოცხალი და გადარჩა!..

მე აზრი არ შემიცვლია.. ამ ქვეყნის გადარჩენისთვის ძალიან მნიშვნელოვანია, რომ ის იყოს აქ.. მის მიერ საკუთარი სიცოცხლის მიტანა სამსხვერპლოზე ამას ემსახურებოდა.. ჩამოვიდა, განადგურდა ადამიანი, ჯანმრთელობა დაკარგა.. იმისთვის, რომ ამ ქვეყანას ეშველოს..

მაგრამ თუკი ხალხი ინერტული იქნება და უკაცრავად, თუ ეს ხალხი ამბობს თავისი პოზიციონირებით, რომ ჩვენ არ ვართ ახლა ამისთვის მზად, რატომ უნდა მოკვდეს მიშა?.. მართლა მაინტერესებს!.. აი, რატომ?!..

იმიტომ, რომ ჩვენ გვიყვარს რაღაცა გლოვა და ნეკროლოგების წერა?.. არ მინდა!..

მირჩევნია გადარჩეს ადამიანი..
ამ წუთას იმკურნალოს, მიეცეს გამოჯანმრთელების შესაძლებლობა და… მიშა მე, ზოგადად, ვერ წარმომიდგენია პოლიტიკის გარეშე.. და თუ ამ ქვეყანაში დადგება დრო ისეთი, როცა მზაობა იქნება, რომ მივიდნენ და დაუპირისპირდნენ ხელისუფლებას მშვიდობიანი პროტესტით, მრავალრიცხოვნობით, ერთსულოვნებით, კონსოლიდაციით.. რა თქმა უნდა, გასაგები იქნება.. და იმედი მაქვს, რომ ასეც იქნება აუცილებლად..

მთავარია მიშა გადარჩეს!

მე ისეთი აღქმა მაქვს, რომ ადამიანებს ჰგონიათ, მიშა იქაც განსაკუთრებულია, სადაც არის.. რაღაც განსაკუთრებული აღქმა აქვთ მიშას მიმართ, რომ ეს არის ადამიანი, რომელსაც იქაც შეუძლია პატიმრის პირობებს გაუმკლავდეს..
არ არის ასე.. ის ძალიან ცუდად არის..

ერთ დღეს მიხვალ და დაგხვდება მართლა ნორმალურად.. მერე… აი, რამდენიმე დღის წინ, ყველაზე ცუდად დამხვდა, თუ შევადარებთ რუსთავსაც, გლდანსაც და გორის ჰოსპიტალსაც.. წარმოუდგენლად მძიმედ იყო..

მისი ავტორიტეტის გათვალისწინებით, რადგან საზოგადოებას ისეთი წარმოდგენა აქვს, რომ მიშას არ შეიძლება რამე მიეკაროს, მართლა არ მაქვს იმ დეტალებზე საუბრის უფლება.. მაგრამ მართლა ცუდად არის ეს ადამიანი..

მე არ ვიცი, ჩვენ რომ მოვდივართ პაემნებიდან და შეხვედრებიდან, მას რას უკეთებენ, როგორი ზეგავლენა შეუძლიათ მასზე.. სრული უნდობლობაა!..

ასე წარმოუდგენელია ყოფნა..
რაღაცა გამოსავალი უნდა ვიპოვოთ..
ადამიანი ან უნდა გათავისუფლდეს, ან უნდა წავიდეს სამკურნალოდ, იმისთვის, რომ გადარჩეს!..

ეს არ არის ჩვეულებრივი ადამიანი..
კარგი, ყველას თავი გავანებოთ და ყველა არაჩვეულებრივია..
ეკა ხერხეულიძე არ არის.. მისი სიკვდილი შეიძლება აიტანოს საზოგადოებამ… მაგრამ ეს არის მიხეილ სააკაშვილი!.. ამაზე დიდი ფიგურა ქართველ ხალხს არ ჰყავს.. ჩემი შვილებისთვის მე ვარ ყველაზე ძვირფასი, მაგრამ მასშტაბურობას ვუსვამ ხაზს.. რეალობის შეგრძნება ხომ არ უნდა დავკარგოთ არა?!.. მიშასა და მაგალითად, ჩემს შორის რა განსხვავებაა..

მას სჭირდება გაფრთხილება..
ამ მასშტაბის ადამიანი ქვეყანას არ ჰყავს უბრალოდ..
მის ჯანმრთელობას რომ რამე ზიანი მიადგეს, ჩვენ ძალიან დიდი ხნით დავემშვიდობებით იმის პერსპექტივას, რაც ზოგადად წარმოგვიდგენია ჩვენი ყოფისთვის…

ეს არის რეალობა.. თორემ ნამდვილად, მე არც უკრაინაში მინდა და არც რომელიმე სხვა ქვეყანაში მინდა მიხეილ სააკაშვილი.. მე ის მინდა ჩემს ქვეყანაში!..

მაგრამ მისი გადარჩენისთვის ყველაფერს ვუშვებ..
მიშა სააკაშვილი მარტო ჩემი შანსი არ არის, ან მარტო მისი მხარდამჭერების.. მიშა არის საქართველოს შანსი..

ჩვენ ამას დავკარგავთ? – დავკარგავთ ძალიან ბევრს!..
მერე გვიანი იქნება შეფასებები და ანალიზები.. როგორც ამას მიჩვეულები ვართ 10 თუ 20 წლის შემდეგ…

მე არ მინდა ნაწამები და სიცოცხლის ფასად განადგურებული ადამიანი..
საზღვრის იქითაც წარმომიდგენია ის დამხმარედ ჩვენი ქვეყნისთვის და მინდა, რომ ცოცხალი იყოს..

პირველ რიგში, მისი გადარჩენაა მნიშვნელოვანი..
ვიღაცეებს ჰგონიათ, რომ ეს ადამიანი ჰოსპიტალში წევს, დედა მივა და მიუტანს ერთ ქილა მაწონს, მე მივალ და მივუტან ერთ ქილა ერბოს და ასე შემდეგ…
არ არის ასე..

ეს ადამიანი ყოველდღიური წამების მსხვერპლია..
ხან ვამბობთ ამას, ხან ვერ ვამბობთ, იმიტომ, რომ რაღაცეებს ვუფრთხილდებით.. მარტო ჩვენზე არ არის დამოკიდებული ამ ინფორმაციების გამოტანა..
ეს ადამიანი იქ არ არის თავისუფალი, გარემოცვა ჰყავს მას, რასაც ჩვენ ანგარიშს ვუწევთ..

ფაქტი არის ის, რომ ადამიანის ჯანმრთელობის მდგომარეობა ყოველდღიურად უარესდება.. ერთ დღეს შეიძლება კარგად დაგხვდეს.. მერე, მაგალითად, ქალბატონი მარიამ ჯიშკარიანის ნაირი შეუპოვარი ადამიანი შევა და კატეგორიულად მოითხოვს, რომ.. იცით რაა?! – უნდა მოხსნათ ეს პრეპარატი!.. და მაშინ მოუხსნიან… მერე უკეთ ხდება.. მერე წამოხვალ და მერე შეხვალ და ისევ გაუარესებულია მდგომარეობა..

ესე ხომ ვერ ვითამაშებთ ამ ადამიანის სიცოცხლით?..
წარმოუდგენელია..

აი, მაგალითად მოვდივარ იქიდან მე, ვბრუნდები ჩემს სახლში და წარმოდგენა არ მაქვს, მის თავს რა ხდება იქ..

ამიტომ, მისი სიცოცხლის გადარჩენა არის უმთავრესი ამბავი!.. დანარჩენი არის მომავლის საქმე.. და ეს მომავალი არის ჩვენს ხელში..

მიშა ყოველდღე დგას მაღალი რისკის ქვეშ.. მას აქვს გაუსაძლისი ყოფა და ეს მისი პატიმრობით კი არ არის გამოწვეული, წამებით არის გამოწვეული.. წამებით და არაადამიანური მოპყრობით”..

ეკა ხერხეულიძე
#თავისუფლებამიშას ??