ინფორმაციისთვის, „ინტერპრესნიუსმა“
სახელმწიფო დაცვის სპეციალური სამსახურის ინფორმაციით, ქუთაისში მდებარე პარლამენტის უფუნქციო შენობის მხოლოდ დაცვაზე, ბოლო 10 თვეში სახელმწიფომ თითქმის ნახევარი მილიონ ლარზე მეტი დახარჯა. ინფორმაციას “ინტერპრესნიუსი” ავრცელებს.
კერძოდ, პარლამენტის სასახლის დაცვის შემადგენლობაზრე გაწეულმა ხარჯმა 10 თვეში 493 234 ლარი შეადგინა. კონკრეტულად ქუთაისის პარლამენტს საშუალოდ 50 ადამიანი იცავს და მათზე 2019 წლის 1-ელი იანვრიდან 15 ოქტომბრამდე შრომის ანაზღაურების სახით 485 945 ლარი გაიცა, სპეციალური უნიფორმის ღირებულებამ კი 7 289 ლარი შეადგინა.
შეგახსენებთ, რომ ქუთაისში მდებარე პარლამენტის შენობამ მისი პირვანდელი ფუნქცია თითქმის ერთი წლის წინ, 2018 წლის დეკემბერში, კანონმდებლობაში შესაბამისი ცვლილებების შეტანის შემდეგ დაკარგა, რითაც ქვეყნის საკანონმდებლო ორგანოს ადგილსამყოფელად კვლავ თბილისში, რუსთაველის გამზირზე მდებარე შენობა განისაზღვრა. იმ პერიოდშივე დაანონსდა, რომ ქუთაისში მდებარე პარლამენტის შენობაში დასავლეთ საქართველოს საპოლიციო ჰაბი განთავსდებოდა.
