რეკლამისა და ინფორმაციის გავრცელების მიზნით რეგიონულ მაუწყებლებს შორის 2018 წელს ყველაზე დიდი საბიუჯეტო თანხა 218 597 ლარი, კვლავ ქვემო ქართლის ტელევიზიამ მიიღო, მედიის განვითარების ფონდმა ახალი ანგარიში “მედიის ფინანსური გამჭვირვალობა-2018” გამოაქვეყნა.
ანგარიშის თანახმად რეგიონებს შორის საბიუჯეტო თანხების ყველაზე დიდი თანხების მიმღებთა სამეულში ტელეკომპანია “რიონი” 120 062 ლარით მეორე ადგილზეა, მესამე ადგილს კი “მარნეული TV” – 71 765 ლარით იკავებს. მათ მოსდევენ „გურჯაანი“ – 68 029 ლარი, “იმერვიზია” – 60 543 ლარი, „ფარვანა“ – 50 000 ლარი; „ბოლნელი“ – 27 055 ლარი, „მეცხრე ტალღა“ – 26 700 ლარი, ,,თრიალეთი”- 20 480 ლარი. სხვა ტელევიზიებმა კი, რომელთა შემოსავალი 20 000 ლარზე ნაკლები იყო, ჯამში 130 946 ლარის სარეკლამო მომსახურება მიიღეს. სხვა ტელევიზიებში გაერთიანებულია 18 რეგიონული ტელევიზია, ესენია “ოდიში”, „არგო”, ეგრისი“, ,,ტვ 25”, ,,ატვ 12”, „კოლხეთი 89“, ,, მეგა ტვ”, ,,დია”,,,აჭარის ტელევიზია”, ,,ბორჯომი”, ,,ზარი”, ,,მეცხრე არხი”, ,,გურია ტვ”, ,,ჯიხა”, ,,თანამგზავრი”, ,,ტოკ ტვ”, ,,ლტვ”, ,,იალონი ტვ”.
ანგარიშში ვკიხულობთ რომ შესყიდვების სააგენტოს ბაზაში ხელმისაწვდომი მონაცემების თანახმად, 2018 წელს საბიუჯეტო ორგანიზაციებმა ტელევიზიებთან 4 293 288 ლარის ხელშეკრულებები გააფორმეს. მათი დიდი ნაწილი 3 433 661 ლარი ნაციონალური და შერეული დაფარვის ტელევიზიებზე მოდის, 859 627ლარი კი – რეგიონულ მაუწყებლებზე.
2018 წელს რეგიონულ ტელევიზიებთან ერთიანი ხელშეკრულებები (ერთდროულად რამდენიმე
კომპანია) ,,მაუწყებელთა ალიანსმა” გააფორმა, რისმა ჯამურმა ღირებულებამ 65 450 ლარი
შეადგინა. მაუწყებელთა ალიანსმა სსიპ “აწარმოე საქართველოსა” ( 26 450 ლარი) და
საქართველოს ცენტრალური საარჩევნო კომისიასთან (39 000 ლარი) გაფორმებული
კონტრაქტების საფუძველზე რეკლამა სხვადასხვა რეგიონულ არხებზე განათავსა.
საერთო ჯამში სახელმწიფო შესყიდვების სააგენტოს ელექტრონულ ბაზაში არსებული მონაცემების თანახმად, 2018 წელს საბიუჯეტო ორგანიზაციებმა სარეკლამო და საინფორმაციო მომსახურების მიზნით მედია საშუალებებთან 6 591 207 ლარის ღირებულების მომსახურების კონტრაქტი გააფორმეს. აღნიშნული თანხის 52.1% (3 433 661) ნაციონალური და შერეული დაფარვის ტელევიზიებზე მოდის; 23.4 % (1 543 093 ) – ონლაინ მედიაზე, 13% (859 627) – რეგიონულ ტელევიზიებზე, 6.6 % – ბეჭდვურ მედიაზე (432 199), 2.8% (181 335) – რადიოზე; 2.1 % (140 978) კი – შერეულ კონტრაქტებზე გადანაწილდა, რომლებიც ერთდროულად სხვადასხვა ტიპის მედია საშუალებებს მოიცავს. ვინაიდან გარკვეული კონტრაქტების საფუძველზე შეუძლებელია იდენტიფიცირება, კონკრეტულად რომელი ტიპის მედიას გადაერიცხა თანხა, ჩვენ ეს მონაცემი ცალკე კატეგორიად “შერეულ კონტრაქტებად” გამოვყავით.
მედიის განვითარების ფონდი ყოველწლიურად გამოსცემს ანგარიშს, რომელიც ფინანსურ მედია გარემოს – მედიის დაფინანსების წყაროებს, მათ შორის ინფორმაციისა და რეკლამის გავრცელების მიზნით მედიაში საბიუჯეტო სახსრების განაწილების პრაქტიკის მიმოიხილავს.
