“გლეხები არავის ადარდებს. მათთვის კანონი არ კანონობს. კანონიერ მეპატრონეებს სამშენებლო მასალა ვერ აქვთ, ხოლო გავლენიანი მფრაველები ვისაც ჰყავს, ისინი უკანონოდ, ყოველგვარი დოკუმენტების გარეშე ვილებს აშენებენ”,- ამბობს აქციის ერთ-ერთი ორგანიზატორი თამაზ ბაკურიძე და აღნიშნავს, რომ გომისმთაზე დღემდე პრობლემას წარმოადგენს მიწის დაკანონებაც.
აქციის მონაწილეების თქმით, გასულ წელს, საარჩევნოდ ამ პრობლემის მოგვარების დაპირება მიიღეს, თუმცა მოატყუეს და დღევანდელი აქცია გამაფრთხილებელია.
მეაგარაკეები ამბობენ, რომ თუ რამდენიმე დღეში ხელისუფლება სწორ გადაწყვეტილებას არ მიიღებს, აქციები ფართომასშტაბიან ხასიათს მიიღებს.
აქციის მონაწილეებს დღეს ადგილობრივი ხელისუფლება არ შეხვედრია. გურიის ახალმა გუბერნატორმა, გიორგი ურუშაძემ, მთავარი არხის ცნობით, მერიის შენობა დატოვა და ჟურნალისტების შეკითხვას არ უპასუხა.
საკრებულოს თავმჯდომარემ, დავით დარჩიამ კი აღნიშნა, რომ დეტალების შესახებ ინფორმაციას არ ფლობს.
ინფორმაციას მთავარი არხი ავრცელებს
