,,Მართალია ფოტო უხარისხოა, მაგრამ დიდი ხანია ასე არ “ვუთრევივარ” სპექტაკლს ემოციურად, მომინდა გამეზიარებინა.
ჭიათურის თეატრში დღეს პრემიერა შედგა, მოლიერის ” ავადმყოფობის სიმულაცია”.
Მაყურებელმა და არტისტებმა როლები გავცვალეთ, ჩვენ სცენაზე ვიჯექით ისინი პარტერში,თავიდან ამ ადგილმონაცვლეობამ შემაშინა, მეგონა თეატრი დაკარგავდა თავის მაგიურობას და “მშრალზე” დაგვტოვებდა, მაგრამ მოლიერმა, რეჟისორმა და არტისტებმაც ერთად მოახერხეს ყველას დაგვევიწყებინა რა ხდება გარეთ და გვეფიქრა როგორი კომიკური ურჩხული შეიძლება გახადოს ადამიანი უსიყვარულობამ.
გოიას ოფორტია ასეთი, “მძინარე გონება ურჩხულებს შობს” მე კიდევ მთელი ცხორება მგონია ,რომ სითბოს ნაკლებობა შობს ურჩხულებს და აქცევს ადამიანს ეგოცენტრულ, საცოდავ მასხარად.არგანიც(მთავარი პერსონაჟი) ასეა,ცოლიც ჰყავს, შვილიც, ძმაც, მსახურიც მაგრამ მარტოა, რადიკალურად მარტო და მხოლოდ ოყნებით ცდილობს თავისი არსებობის დადასტურებას ცხოვრებაში.
Სასიამოვნოდ გაოცებული ვარ არტისტებით, მადლობა ყველას, რეჟისორს ასეთი აზროვნებისთვის, ძნელია სიცილში ადამიანებს დაანახო თავისი თავი და გაახსენო მარადიული დრომოჭმული მაგრამ ყველაზე ნამდვილი ჭეშმარიტებები, დღეს ეს ჭიატურის თეატრში მოხდა და მიხარია რომ ამ ყველაფრის ტანამონაწილე ვიყავი.” – წერა ნატალი პატარიძე.
