გუგნავას ქუჩაზე, #12-ში, ამორტიზებულ შენობაში მცხოვრები დევნილები, რომლებიც 27 წელია გაუსაძლის პირობებში არიან, 23 მაისიდან უსახლკაროდ რჩებიან. ქუთაისის მერია, რომელსაც ყოფილი ელექტრომექანიკური ქარხნის შენობა დევნილთა სამინისტრომ დაუბრუნა, მასში სოციალური საცხოვრისის მოწყობას გეგმავს, რის გამოც დევნილები იძულებულნი არიან ფართი დაცალონ. არც ერთ მათგანს ალტერნატიული საცხოვრებელი არ აქვს.
დევნილებს ადგილობრივი თვითმმართველობისგან შესაბამისი წერილი უკვე მიუვიდათ, სადაც წერია, რომ შენობის რეაბილიტაციას ექვსი თვე დასჭირდება, ამ ხნის განმავლობაში მათ ბინის ქირას მერია გადაუხდის, თუმცა დროის გასვლის შემდეგ რა ბედი ელით დევნილების ზუსტად არავინ იცის.
დღეს გუგუნავას 12-ში დევნილების პროტესტს ქუთაისის საკრებულოს ფრაქცია “ნაციონალური მოძრაობის” თავმჯდომარე, გიგა შუშანია შეუერთდა. მისი განცხადები ქუთაისის მერია გაჭირვებული ადამიანების ხარჯზე ფულს აკეთებს და მათი მთავარი მიზანი თანხის მითვისებაა.
ქუთაისის მერია დევნილებს 6-7 თვის შემდეგ რეაბილიტირებულ საცხოვრსში დაბრუნებას პირდება. თუმცა ამ შემთხვევაში ოჯახები დევნილთა სამინისტროსგან საცხოვრებლის შეძენის შეთავაზებებით ვეღარ ისარგებლებენ.
როგორც იმერეთის სამმართველოსს უფროსი, დავით ჭეიშვილი „მეგა ტვ“-თან საუბრისას აცხადებს გუგუნავას ნომერ 12ში მცხოვრები ვერცერთი დევნილი ოჯახი ბინას ვერ მიიღებს. მისივე თქმით ერთადერთი შანსია მოქალაქეებმა დევნილთა სამინისტროს თანადაფინანსების პროგრამით ისაგრებლონ, რაც ამ ოჯახებისათის მიუღებელია, რადგან არც ერთ მათგან შესაბამისი დანაზოგი არ აქვს.
დევნილების პრობლემის მოგვარების გზა ამ ეტაპზე უცნობია, ადამიანებს გაუსაძლისი პირობების მიუხედავად ამორტიზებულ შენობაში ცხოვრება ურჩევნიათ, რადგან მათ ქუჩაში დარჩენის ეშინიათ. თუმცა იციან, რომ თუ მერიის მოთხოვნას არ დათანხმდებიან შესაძლაო საცხოვრებლიდან პოლიციის ძალით გაიყვანონ. ამასთან არავინ კითხულობს შეძლებენ თუ არა ისინი 6-7 თვის შემდეგ შეთავაზებული თანადაფინანსების პროგრამით, 22 000 ლარად ბინის შეძენასა და ღირსეულ პირობებში ცხოვრებას. ცნობისთვის ამ ეტაპზე აღნიშნული პროგრამით სახლის შეძენას იმერეთში, რაჭა-ლეჩხუმსა და ქვემო სვანეთში 3000 ოჯახი ითხოვს, რაც კიდევ უფრო მეტად კითხვის ნიშნის ქვეშ აყენებს დევნილების ფართით დროულად უზრუნველყოფას.
