“ავტორიზაციის საბჭოს თავმჯდომარეს შინაგანი რწმენა გაუჩნდა რომ რაღაც არ უნდა ყოფილიყო კარგად, რის გამოც ჩვენ უნდა ჩამოგვრთმეოდა ავტორიზაცია, მაგრამ ასეთი რწმენები ცოტა არ იყოს სასაციოდ ჟღრეს.” – ამის შესახებ საზოგადოებრივი კოლეჯის “ელიტი” გენერალურმა დირექტორმა ნინო ბერძენიშვილმა “მეგა ტვ”-თან საუბრისას განაცხადა.
მისი თქმით საზოგადოებრივი კოლეჯისთვის “ელიტი” ავტორიზაციის გაუქმება არასწორი ინფორმაციაა და ამ ამბავს სპეციალურად ავრცელებენ. როგორც ნინო ბერძენიშვილმა განაცხადა კოლეჯის საქმე საბჭომ განიხილა, მიიღო გადაწყვეტილება, თუმცა ეს გადაწყვეტილება კოლეჯის ადმინისტრაციას ჯერ არ ჩაბარებია. მისივე თქმით ის გადაწყვეტილების გასაჩივრებას აპირებს.
“გადაწყვეტილება არის უკანონო. როდესაც კოლეჯში წელიწად-ნახევრის განმავლობაში ხუთჯერ ანხორცილებედნენ მონიტორინგს, არ გჭირდება სერიოზული განათლება მიხვდე რაშიც იყო საქმე. ვაპირებთ გასაჩივრებას, ალბათ ამ კვირის ბოლოს ჩაგვბარდება გადაწყვეტილება, რომელიც აქამდე ჩვენამდე არ მოსულა. სანამ ჩვენ ამ უფლებას არ გამოვიყებეთ გადაწყვეტილებას იურიდიული ძალა არ გააჩნია და ჩვენ ჩვეულებრივ რეჟიმში ვანხორცილებეთ ჩვენს საქმიანობას.” – აცხადებს ნინო ბერძენიშვილი “მეგა ტვ”-თან საუბრისას.
პროფესიული საგანმანათლებლო დაწესებულებების ავტორიზაციის საბჭოს 2019 წლის 10 სექტემბრის N 172 გადაწყვეტილებით, შპს საზოგადოებრივ კოლეჯ „ელიტს“ გაუუქმდა ავტორიზაცია. გადაწყვეტილება ძალაში შევიდა გამოქვეყნებისთანავე – მიმდინარე წლის 23 სექტემბრიდან.
საზოგადოებრივი კოლეჯის “ელიტი” ორივე ფილიალში, მარნეულშიც და ქუთაისშიც დააახლოებით 100-მდე სტუდენტი სწავლობს.
