შინაგან საქმეთა სამინისტრომ ,,ლეიბორისტული პარტიის” ქუთაისის მერობის კანდიდატის, ირაკლი კიკვაძის ცემის ფაქტზე გამოძიება დაიწყო.
ამის შესახებ უწყებაში გამართულ ბრიფინგზე, მინისტრის მოადგილემ ნინო ცაციაშვილმა განაცხადა.
ფაქტზე, გამოძიება სსკ-ის 162-ე პრიმა მუხლის მე-3 ნაწილით დაიწყო, კენჭისყრის შენობაში, საარჩევნო კომისიის განთავსების ადგილას ან მათ მიმდებარე ტერიტორიაზე, ან წინასაარჩევნო აგიტაციის ან წინასაარჩევნო კამპანიის ღონისძიების ხელიშეშლად ითვლება. დანაშაული 2-დან 5 წლამდე თავისუფლების აღკვეთას გულისხმობს.
“ლეიბორისტული პარტიის” ქუთაისის მერობის კანდიდატს ფიზიკურად ქუთაისის #37-ე საარჩევნო უბანზე დაუპირისპირდნენ.
ამდროისთვის “ლეობორისტული პარტიის” ქუთაისის მაჟორიტარი დეპუტატობის კანდიდატი ქუთაისში პოლიციიის მეხუთე გაანყოფილებაშია.
ქუთაისში, 156 257 ამომრჩევლისთვის 130 საარჩევნო უბანია გახსნილი. აქედან, 7 სპეცუბანია, ერთი სასჯელაღსრულების დაწესებულებაში, ხოლო ექვსი თვითიზოლაციასა და კარანტინში მყოფი პირებისთვის განკუთვნილი უბნები.
არჩევნებში მონაწილეობის სურვილი კარანტინსა და თვითიზოლაციაში მყოფმა 873-მა პირმა გამოხატა.
მე-10 მოწვევის პარლამენტის არჩევნები, 29 ივნისს მიღებული საკონსტიტუციო ცვლილების მიხედვით, შერეული საარჩევნო სისტემით ტარდება. ეს იმას ნიშნავს, რომ ქვეყანას 30 მაჟორიტარი ეყოლება ნაცვლად 73-ისა. ხოლო დაწესებული 1%-იანი ბარიერი შედარებით მცირე მხარდაჭერის მქონე პარტიებს პარლამენტში შესვლის საშუალებას მისცემს.
31 ოქტომბერს, პარლამენტის პარალელურად, იმერეთის სამ მუნიციპალიტეტში მერის არჩევნებიც მიმდინარეობს.
ქუთაისში მერობისთვის რვა კანდიდატი იბრძოლებს, ხარაგაულში ხუთი, ხოლო თერჯოლაში მერობის ოთხი კანდიდატი.
