“ყველაფერს აქვს თავისი წესი. დავიწყოთ იმით რომ ენგურგესის მშენებლობსაც ჰყავდა მოწინააღმდეგეები. დედაჩემმა გაიხსენა თავის დროზე ბავშვები გავირბენდით და მუშებს ვკითხავდით რა უნდა თეატრს ბაღის კიდეზე რომ შენდებაო. დღეს იცით რომ თეატრი კულტურულ მემკვიდრეობაშია. ამიტომ ყველაფერი უნდა გაკეთდეს თავისი წესით. ჩვენ გვინდა ეკონომიკური განვითარება, ენერგოდამოუკიდებლობა, მაგრამ არ გვინდა ჰესი.
მე მგონია რომ უბრალოდ არ ხდება დიალოგი და მოსნება, იმიტომ რომ ამ კითხვის უკან, რომელსაც სვამს მოსახლეობა ხშირად დგანან ოპოზიციური პარტიები. რა მნიშვნელობა აქვს რომელი პარტიის წევრი ხარ აკეთებ საქართველოსთვის ჰესის მშენებლობას, რომელმაც მნიშვნელოვნად უნდა გააძლიეროს იმერეთის და საქართველოს ეკონომიკა. მოდით დავსხდეთ და არაპოლიტიკური თვალსაზრისით, არა პოლიტიკური ქულების დასაწერად შევაფასოთ რისკი. ყველაფერს აქვს თავისი რისკი. ურისკსოდ არაფერი არ არის, მაგრამ უნდა შედარდეს სარგებელი რისკთან. მე ვთვლი რომ სარგებელი ენერგოსისტემის საქართველოს გაძლიერებას უფრო მეტი აქვს, ვიდრე ის რომ რა რისკი შეიძლება მოყვეს ამას. ეს პროექტი ახალი არ არის, ის ძველი პროექტი გაცილებით შემცირებულია და ახლა დაცულია ყველა პირობა. ვთვლი რომ უბრალოდ დასხდომა უნდა მოსახლეობას მშენებლებთან ერთად და სწორად შეფასება.” – განაცხადა პარტიის “ქართული ოცნება – დემოკრატიული საქართველო” მაჟორიტარი დეპუტატობის კანდიდატმა ქუთაისში ზაზა ლომინაძემ მთავარის სპეციალურ გამოშვებაში სტუმრობისას.
