12 წლის მწერმოყოლილმა გოგონამ, მაგდა ჩავლეიშვილმა, რომელმაც მთელი ოჯახი დაკარგა თანაგრძნობის სტატუსი გამოაქვეყნა, რომელის ადრესატი თიკა თედორაძეა. გოგონა რომელმაც პირველ ოქტომბერს ხელვაჩაურის მუნიციპალიტეტის სოფელ ქვედა ჯოჭოში ჩამოწოლილ მეწყერში მთელი ოჯახი დაკარგა და ცოცხალი მხოლოდ თვითონ გადარჩა. თიკას გაუმართლა – სტუმრად სხვა სოფელში იმყოფებოდა. წლების წინ კი თიკასავით გაუმართლა სტატუსის ავტორს – ხელვაჩაურის მუნიციპალიტეტის სოფელ ორთაბათუმის მასაურას დასახლებაში მცხოვრებ მაგდასაც – მან ოჯახის 4 წევრი დაკარგა – დედა-მამა და და-ძმა. ისინი მიწის მასამ ჩაიყოლა. 5 საათის განმავლობაში თავად მაგდაც მიწისქვეშ იყო ჩამარხული და… ცოცხალს მიაკვლიეს.
“#სამძიმარიდათანადგომა პატარა #გოგოს #თიკათედორაძეს ჩემგან! 
აი უკვე არ შემიძლია გავჩუმდე და ვაარღვევ შენ წინაშე, ტკივილით სავსე დუმილს! 12 წლის შემდეგ, რადგან დღეს შენ, ჩემი განმეორება ხარ პატარა გოგო, ჩემსავით გეწვის გული, სული! კი, ყველაზე უკეთ მესმის დღეს რა დღეში ხარ! რადგან ზუსტად შემოდგომა 19. 09. 2008. წლის ღამეს მეც ცოცხლად დამიმარხა ცივმა, სველმა მიწამ ჩემები. ზუსტად ასე ჩამომეშალა ჭერი, ზუსტად ისე წვიმდა, როგორც შენთან გაწვიმდა ჩემო ლამაზო. თუმც სხვაობა ის არის, რომ მეც მათთნ ერთად დავიმარხე 5 საათი მიწის ქვეშ ვსუნთქავდი მწარედ, რადგან ვგრძნობდი უკვე დავობლდი. 
არ მინდოდა ვეპოვნე ვინმეს, სიკვდილს არ ვებრძვოდი, პირიქით ვთმობდი სიცოცხლეს. მაგრამ არ მეწერა, არ მომცა უფლება ღმერთმა წავსულიყავი მათთან ერთად, სხვა ცხოვრებაში. მიპოვეს, ვინც დამრჩა იმათმა, ამომიყვანეს, დამაძალეს, რომ მეცხოვრა, მათი სულისთვის! 
იმდროს ერთადერთი დავრჩი გვარის ნერგად. რომ მეგონა ცხოვრება დასრულდა, ღმერთს ვუსვამდი კითხვას რისთვის? 
პასუხი არ მქონდა. ის მახსოვს, რომ პირიქით, ღმერთს მადლობაც კი გადავუხადე, რადგან სახსალამათი გადავრჩი, არ დამტოვა ინვალიდი. მე გავაგრძელე სიცოცხლე, მიუხედავად იმისა დროსთან ერთად ტკივილი ძლიერდებოდააა. ძვირფასი ადამიანების მხარდაჭერით გავიმართე, ვისწავლე, შევქმენი ოჯახი, მყავს შვილები და ეს მახარებს, რადგან ჩემი და ჩემი შვილების წყალობით, მარადიული ხსოვნა იქნება, არ ჩაქრება, სანთლები ჩემების სულისთვის! ამ ყველაფრით რისითქმა მინდა, იცი? არ გაბედო, არ დაეცე, ეს შენებს არ მოეწონებათ. მართალია ვერავინ შეცვლის, შენების ადგილს, მაგრამ მერწმუნე ჩაენაცვლება, ისინი ვინც გვერდით გეყოლება, როგორც ოჯახი. 
როგორც ჩემთან, მამიდა და მისი ოჯახი. მათ მიმიღეს, ყველაფერი გააკეთეს ჩემი ბედნიერებისთვის. პირობას გაძლევ გავა დრო და ჩემსავით იფიქრებ დაუვიწყარ, ტკივილით სავსე შემთხვევაზე. შეუძლებელია, რამე შეცვალო მაგრამ შესაძლებელია, თავს შემოუძახო! #გისამძიმრებ თიკუნა და ვთხოვოთ ღმერთს ასე აღარავინ #დაოობლოს. მეტი რა გვეთქმის, როცა დღემდე არ მაქვს პასუხიი. და კიდე თუ სურვილი გექნება, რაც ძალიან მინდა, ვნახოთ ერთმანეთი. ჩემი სახლის კარი ღიაა შენთვის. გახსოვდეს რომ გაძლიერდე, ისევ მათ გამო! #მეშენიტკივილიმტკივა! ” – წერს მაგდა ჩავლეიშვილი ფეისბუკზე.
https://www.facebook.com/magda.chavleishvili/posts/3361901140592833
