მშვიდობის ბურთის მონუმენტთან, 21 სექტემბერს, ტრადიციულად, “ტორპედოს” სტადიონის უბნელები რამდენიმე დღესასწაულს ერთად აღნიშნავენ. მშვიდობის ბურთის მონუმენტის ავტორის ბესიკ ადამიას თქმით: ეს მონუმენტი პირველია თავისი უნიკალურობით მსოფლიოში, რადგან ,,სიტყვა მშვიდობა’’ 67 ენაზე წერია.
მშვიდობის საერთაშორისო დღე გაეროს გენერალური ასამბლეის მიერ 1981 წელს დაარსდა. “პატივი მივაგოთ და გავაძლიეროთ იდეები მშვიდობის შესახებ მსოფლიოში”, ეს იყო დღესასწაულის დაარსების იდეა და მიზანი. ოცი წლის შემდეგ კი, გაეროს გენერალურმა ასამბლეამ მიიღო სპეციალური რეზოლუცია და ამით გამოაცხადა 21 სექტემბერი, როგორც ყოველწლიური დღესასწაული “გლობალური ცეცხლის შეწყვეტისა და არაძალადობისათვის”.
