ქუთაისში, თი-ბი-სი გალერეაში, თურქი მხატვრის ნილუფერ ინალტონგის პერსონალური გამოფენა გაიმართა. ღონისძიებაზე სხვადასხვა თემატიკაზე შექმნილი 40-მდე ნამუშევარი იყო წარმოდგენილი, მათ შორის ქუთაისისა და წყალტუბოს ხედების ამსახველი სურათებიც. გამოფენა სოროპტიმისტ ინტერნაციონალის ქალთა კლუბ „ქუთაისი-კოლხას“ ინიციატივითა და ქუთაისის მუნიციპალიტეტის მერიის მხარდაჭერით გაიმართა. მოქალაქეებს ნილუფერ ინალტონგის ნამუშევრების დათვალიერება და მათი შეძენა თიბისი ბანკის საგამოფენო დარბაზში 13 სექტემბრამდე შეეძლებათ.
ნილუფერ ინალტონგის ნამუშევრები სიცოცხლისა და ბუნების შთაგონების დახვეწილ შერწყმას წარმოადგენს. მის ბალანსზე ირიცხება 18 პერსონალური და 300-ზე მეტი ჯგუფური გამოფენა-ბაზრობა , ასევე 19-ზე მეტი პლენერი ღია ცის ქვეშ. მისი ნამუშევრები საერთასორისო კატალოგებშია შეტანილი. ის დღემდე აქტიურადაა დაკავებული ხელოვნებით და საკუთარ სამხატვრო სახელოსნოში სტამბულში განაგრძობს მუშაობას .
