კორონავირუსის შემთხვევების მატების გამო სამხრეთ კორეის ხელისუფლებამ სეულში სკოლებისა და ბაღების დროებით დახურვის გადაწყვეტილება მიიღო, – ამის შესახებ ინფორმაციას BBC-ი სამხრეთ კორეის განათლების სამინისტროზე დაყრდნობით ავრცელებს.
მათივე ინფორმაციით, დედაქალაქის სკოლებში 11 სექტემბრამდე დისტანციური სწავლა გაგრძელდება. აღსანიშნავია რომ ბოლო 2 კვირის განმავლობაში სეულში კორონავირუსით 200-მდე მოსწავლე და მასწავლებელი დაინფიცირდა.
ცნობისათვის, მაისიდან, „კოვიდ 19“-ის შემთხვევების შემცირების შემდეგ, სამხრეთ კორეაში სკოლები და ბაღები ეტაპობრივად გაიხსნა. პანდემიის დაწყების დროიდან სამხრეთ კორეაში კორონავირუსის 18 000-მდე შემთხვევაა დადასტურებული, აქედან გარდაცვლილია 310 ადამიანი.
