დღეს, 14 ივლისს გადაცემა „რეაქცია“ გიორგი შაქარაშვილის მეგობრებსა და ახლობლებს ეთერს დაუთმობს.
გადაცემა ფეხბურთელის ხსოვნას მიეძღვნება.
„რეაქციის“ რამდენიმე წუთიან ემოციურ ანონსში, გარდაცვლილ ფეხბურთელს სხვებთან ერთად ნათლია იხსენებს.
„ჩემი ნათლული იყო. ძალიან მეწვის გული, ცუდად ვარ… არაჩვეულებრივი ბავშვი იყო, ის მოკლეს. ხანდახან არ მჯერა, გადმოვიხედავ აივნიდან და ისევ ველოდები ხოლმე. ვფიქრობ, ნეტა გიო ხომ არ მოდის ჩვენთან-მეთქი. მე ველოდები, რომ ისევ მოვა… “- ამბობს ნათლია.
მას ვერც მეზობლები ივიწყებენ…
„აქ გაიზარდა, ცრემლების გარეშე მისი გახსენება არ შემიძლია.“ – ამბობს მეზობელი.
ვაზისუბანში გიორგი შაქარაშვილს ბევრი ადამიანი იცნობდა. მის უბანში მცხოვრები პატარა ბავშვები „შაქარას“ დიდი სევდით და სიყვარულით იხსენებენ.
მცირეწლოვნები ამბობენ, რომ გიორგი მათ ფეხბურთის თამაშს ასწავლიდა, არიგებდა და ემოგობრებოდა კიდეც.
„დილით ადრე ჩამოვდიოდით სტადიონზე და გიორგი გვეთამაშებოდა. კარგად ვიცნობდი. ძალიან დამწყდა გული, რომ გარდაიცვალა. “ – ამბობს ერთ-ერთი მოზარდი.
რატომ უნდა კვდებოდნენ „შაქარას“ ნაირი ნიჭიერი და კარგი ადამიანები? – ეს ის უპასუხო კითხვაა, რომელიც გარდაცვლილის უმცროს მეგობარს არ ასვენებს…
„მეც მასწავლიდა ფეხბურთს. სულ იმას მეუბნებოდა, თუ ბევრ ივარჯიშებ, აუცილებლად მიაღწევ შედეგსო. „შაქარა“ კარგი ადამიანი იყო, ყოველთვის ჩემს გულში დარჩება.. ასეთი ლამაზი, ჭკვიანი და ნიჭიერი ბიჭი, რომ მოკვდება… რატომ უნდა ხდებოდეს ეს?!“ .“ – ამბობს მეორე მოზარდი.
https://www.facebook.com/tvpirveli/videos/303063157410182/?t=0&v=303063157410182
