თბილისის სასწრაფო დახმარების პირველი რაიონული სამსახურის 0131 ბრიგადამ გამოძახება მიიღო ლოზუნგით ზოგადი სისუსტე. ბრიგადა გამოძახების მისამართთან ახლოს იმყოფებოდა და ადგილზე 2 წუთში მივიდა, სადაც 68 წლამდე მამაკაცი უკვე უგონო მდგომარეობაში დახვდათ.
ოჯახის წევრების გადმოცემით მამაკაცს ანამნეზში რაიმე ქრონიკული დაავადება არ აღენიშნებოდა და აქამდე სამედიცინო დახმარება არ დასჭირვებია.
პაციენტს არ აღენიშნებდა პულსი და სუნთქვა, მონიტორზე პარკუჭოვანი ფიბრილაცია ფიქსირდებოდა, ბრიგადის წევრებმა დაუყოვნებლივ დაიწყეს პროტოკოლით გათვალისწინებული რეანიმაციული ღონისძიებების გატარება, რის შედეგადაც მალევე შეძლეს გულის ამუშავება და სუნთქვის აღდგენა.
„მინდა მადლობა გადავუხადო ჩემი ბრიგადის წევრებს, ჩემთან ერთად იბრძოდნენ ამ მამაკაცის გადარჩენისთვის. ჩვენს ადგილზე მისვლას რეანიმაციული ღონისძიებების ჩატარებას და კლინიკაში გადაყვანას სულ 20 წუთი დასჭირდა, ძალიან სწრაფად მოხდა ყველაფერი და ბედნიერები ვიყავით რომ გამოგვივიდა სიცოცხლის გადარჩენა“- იხსენებეს ექიმი ლია ახვლედიანი.
ბრიგადის წევრებმა მამაკაცი კონტაქტური და ადეკვატური ცნობიერებით ფორსმაჟორით უახლოეს კლინიკაში შეიყვანეს, სადაც დადასტურდა მიოკარდიუმის მწვავე ინფარქტი, პაციენტს ჩაუტარდა კორონარული სტენტირება, ამჟამად ბინაზეა გაწერილი და თავს კარგად გრძნობს.
ექიმი ლია ახლედიანი
უმცროსი ექიმი ნათია აფქოფაშვილი
მძღოლი ვლადიმენ ყაჭიური
See less
