25 ივნისიდან, თბილისისა და ბათუმის საერთაშორისო აეროპორტებს შორის რეგულარული ფრენები იწყება.
როგორც TAV Georgia გავრცელებულ ინფორმაციაში იუწყება, აღნიშნული მიმართულებით რეისებს კვირაში ოთხჯერ, ავიაკომპანია “ჯორჯიან ეარვეისი” შეასრულებს.
„ზაფხულის სანავიგაციო სეზონის განმავლობაში, თბილისი-ბათუმი-თბილისის საჰაერო ხაზზე ფრენები ყოველ სამშაბათს, ხუთშაბათს, შაბათსა და კვირას, Boeing 737 ტიპის ხომალდით შესრულდება“, – ვკითხულობთ ინფორმაციაში.
ცნობილი ხდება, რომ ამ მიმართულებით ერთი გზის ეკონომ-ბილეთით მგზავრობის ფასი 342 ლარიდან დაიწყება, რაც შეეხება ბიზნეს-კლასს, მგზავრობის საფასური ამ შემთხვევაში მინიმუმ 1 222 ლარი იქნება.
მგზავრობის ხანგრძლივობა 45 წუთი იქნება.
