NASA მთვარეზე ბაზის აშენებას გეგმავს – აშშ-ს კოსმოსურმა სააგენტომ განაცხადა, რომ აუქმებს მთვარის ორბიტაზე კოსმოსური სადგურის განთავსების პროგრამას და მის ნაცვლად დაახლოებით $20-მილიარდიან პროექტს მთვარის ზედაპირზე ბაზის ასაშენებლად გამოიყენებს.
- პროექტი დაკავშირებულია Artemis program-სთან, რომლის მიზანიც მთვარეზე ადამიანის დაბრუნებაა.
NASA-ში აცხადებენ, რომ ახალი სტრატეგია მიზნად ისახავს მთვარეზე ადამიანის ხანგრძლივი ყოფნისთვის საჭირო ინფრასტრუქტურის შექმნას, მათ შორის, რობოტული ლენდერებისა და დრონების გამოყენებას, ბირთვული ენერგიის დანერგვასთან ერთად.
სააგენტოს ხელმძღვანელის, ჯარე აიზეკმენის თქმით, განახლებული გეგმა ასევე მოიცავს ბირთვულ ენერგიაზე მომუშავე კოსმოსური ხომალდის გაგზავნას მარსზე, რომლის გაშვებაც 2028 წლამდე იგეგმება.
