ჩხოროწყუში, სოფელ ხაბუმეში მამა-შვილს გლოვობენ.
“სოფელში უმძიმესი ტრაგედია ტრიალებს… ოჯახში ორი მიცვალებული ასვენია… გარდაცვლილები- ჯუმბერ და ირაკლი ჯალაღონიები არიან,“ – გვეუბნება ერთ-ერთი ადგილობრივი. ინფორმაციას ადასტურებს მერის წარმომაგდენელიც.
როგორც ნესტან ქარჩავა ამბობს, ჯერ მამა დაიღუპა, დღეს კი – შვილი.
„ჯერ მამა გარდაიცვალა, დღეს კი – შვილი. მამა ავადმყოფობდა, შვილის გარდაცვალების მიზეზი უცნობია,“ – ამბობს „სამტრედიის ამბებთან“ ნესტან ქარჩავა.
სოციალურ ქსელით ეხმაურება მეგობრის დაკარგვას, გარდაცვლილი ირაკლი ჯალაღონიას მეგობარი და მეჯვარე დავით (დათა) შენგელია და მეგობართან ერთად გადაღებულ ფოტოებს და ემოციურ სტატუსს ავრცელებს:
რომელ ერთ ფოტოს მოვეფერო ძმაო !? 
ჯერ ხომ ბაღში ერთად მიგვიყვანეს,არც ვიცოდით ერთმანეთის არსებობა 2 წლის ასაკში და ჯუმითის ბაღის ფოტოებზეც კი გვერდიგვერდ ვართ…
მერე იყოდა სკოლაში ყოველი წუთი, საათი, დღე,წელი ძმობაში გავლიეთ ჯიმა;
უცხო ქვეყანაშიც კი ერთად შევიკრიბეთ და ერთი ჯამიდან ვჭამდით იკა…
როცა კედელი გვყოფდა , მაშინაც კი საუბარში ტელეფონები გვიჯდებოდა იკა 
მერე იყო ყველაზე მნიშვნელოვან დღესაც გვერდით დამიყენე და მირონობაც დაუმატეთ ძმობას…
მერე ჩვენი შვილებიც დატოლდნენ…
მერე კი …მერე კი …დღეს დილის 9 საათზე უეცრად დაგიღამდა იკა ჯიმა!!
ოქროს გულმა დაგაღალატა!!
წახვედი ჩვენგან იკა მაგრამ იცოდე ძმაო შენ აქ რჩები,სააქაოს უამრავ გულში რჩები ძმაო !
ვინც არ იცნობდა მინდა იცოდეს ყველამ ვინც ამ პოსტს წაიკითხავს,მინდა იცოდეთ რომ ირაკლი პატარაობიდანვე იყო ლიდერის თვისებებით,ადრე დაბრძენდა და დაკაცდა;
დედა ადრე დაკარგა სკოლაში იყო ჯერაც,არ გატყდა მაგრად დადგა!
მყოფნის ადამიანობა ვთქვა,იყო რიგი მომენტები იკა გვიცავდა,ფარი იყო მეგობრების,კლასელების, მუდამ გვედგა გვერდში რკინასავით ძლიერი!
შეუპოვართან ერთად,ასევე იყო ძალიან სენსიტიური და გულჩვილიც,ძალიან ახლოს მიჰქონდა სხვისი გაჭირვება გულთან!
ეჰ…არ იცით როგორი იმედი,როგორი ძმა დავკარგე მეგობრებო,როგორი იკა დავკარგე!!
ღმერთმა ნათელში ამყოფოს შენი ვაჟკაცური სული ძმაო ! 
