დღეს, 25 დეკემბერს, ქუთაისის მთავარი ნაძვის ხე საზეიმოდ აინთება.
ნაძვის ხის ანთების ცერემონიასთან დაკავშირებით, ცენტრალურ მოედანზე გაიმართება კონცერტიც.
კერძოდ, 18:30 საათზე დაიწყება ა(ა)იპ ქუთაისის კულტურულ, სახელოვნებო, საგანმანათლებლო დაწესებულებათა გაერთიანების ფილიალების პედაგოგთა და მოსწავლეთა კონცერტი.
20:00 საათზე გაიმართება ნაძვის ხის ანთების ცერემონია. იმღერებს მელიტონ ბალანჩივაძის სახელობის ცენტრალური სამუსიკო სასწავლებლის ბავშვთა გუნდი (ხელმძღვანელი ნათია გოგუაძე).
20:30 საათი – დიჯეი სეტი.
