ბალდელი დედები ზუგდიდში, სამეგრელოს გუბერნატორ დავით ვერავასთან შესახვედრად ჩავიდნენ, თუმცა 1 საათია უშედეგოდ იცდიან.
წინა კვირის განმავლობაში უშედეგო ლოდინისა და ცრუ დაპირებების შემდეგ, ბალდელი დედები ზუგდიდში, სამეგრელოს გუბერნატორ დავით ვერავასთან შესახვედრად მარტვილიდან ზუგდიდში ჩამოვიდნენ. ოცამდე ქალი – დედა, ბებია, უკვე ერთი საათია, ადმინისტრაციის რომელიმე თანამშრომლის მისვლას ელოდება.
ცნობისთვის, ბალდელმა დედებმა გუშინ მე-16 ღამე გაათენეს ღია ცის ქვეშ, წვიმასა და ყინვაში, მათი მოთხოვნაა დაცული ტერიტორიების სააგენტომ ბალდის კანიონის კორუფციული სქემით დადებული ხელშეკრულების გაუქმების შესახებ განაცხადოს.
ბალდაში პროტესტი თითქმის 800 დღეა გრძეკდება. „ქართული ოცნების“ ყოფილი მაღალჩინოსნების კომპანიას, ე.წ. ინვესტორს, ატრაქციების მოსაწყობად მიცემული ვადა ორი კვირაა ამოეწურა. ბალდის მოსახლეობა ითხოვს, 40 წლიანი იჯარის ხელშეკრულება მთლიანად გაუქმდეს, კანიონი ხელუხლებელი დარჩეს და ხალხს დაუბრუნდეს.
