სესხის გამცემი სუბიექტი შპს „ბინობი“ ჯამში 26 000 ლარით დაჯარიმდა. ამის შესახებ ინფორმაციას ეროვნული ბანკი ავრცელებს.
მათივე ცნობით, შემოწმების პროცესში საფინანსოს 3 დარღვევა დაუდგინდა, რის გამოც შესაბამისი ფულადი სანქცია დაეკისრა.
უფრო კონკრეტულად, ეროვნული ბანკის განმარტებაში ვკითხულობთ:
სესხის გამცემი სუბიექტის მიერ, შემოწმების პროცესში ეროვნული ბანკისთვის ინფორმაციის/დოკუმენტაციის არასწორად წარმოდგენის 3 ფაქტი, რაც ითვალისწინებს დაჯარიმებას – 2,000 ლარის ოდენობით თითოეულ ასეთ ფაქტზე – სულ 6,000 ლარის ოდენობით;
ორგანიზაციაში დანერგილი პროგრამული (ელექტრონული) სისტემა ფუნქციონირებს მნიშვნელოვანი ხარვეზებით. კერძოდ, მას არ გააჩნია საეჭვო/უჩვეულო და დანაწევრებული/დაკავშირებული ოპერაციების/გარიგებების და ურთიერთდაკავშირებული პირების გამოვლენის შესაძლებლობა, ხოლო სანქციადაკისრებული და პოლიტიკურად აქტიური პირების გამოვლენის სისტემა ფუნქციონირებს მნიშვნელოვანი ხარვეზებით, რაც ითვალისწინებს დაჯარიმებას 15,000 ლარის ოდენობით.
შედეგად, სესხის გამცემი სუბიექტს დაეკისრა ფულადი ჯარიმა ჯამში 26,000 ლარის ოდენობით.
სამეწარმეო რეესტრს მიხედვით, შპს „ბინობი“ ოფიციალურად რეგისტრირებულია 2008 წლიდან. მისი მესაკუთრეა მერაბ თავართქილაძე, ხოლო დირექტორი ივანე თათარიშვილი.
bpn.ge
