ლურჯი ვეშაპები კალიფორნიის სანაპიროსთან საეჭვოდ დადუმდნენ – მეცნიერების თქმით, ეს საფრთხის ზრდის ნიშანია
კალიფორნიის სანაპიროსთან ლურჯი ვეშაპების ხმა უფრო შესუსტდა, რამაც მეცნიერები შეაშფოთა. ისინი თვლიან, რომ დუმილი ეკოსისტემისთვის საფრთხის გაზრდის ნიშანია.
ჩრდილოეთ წყნარ ოკეანეში მდებარე კალიფორნიის ეკოსისტემაში (CCE) სამი სახეობის – ლურჯი, ფარფლიანი და კუზიანი ვეშაპები ბინადრობენ.
მეცნიერები რეგიონს 6 წლის განმავლობაში აკვირდებოდნენ.
ჰიდროფონის გამოყენებით ჩატარებულმა კვლევამ გააანალიზა დიდი ზომის ვეშაპების მიერ წარმოქმნილი ბგერების სტრუქტურირებული თანმიმდევრობები, რომლებსაც “გალობას“ უწოდებენ. გაზომეს სიხშირის დიაპაზონი, რათა დაედგინათ ხმების გავრცელების არეალი ჰაბიტატში და მათი პოტენციური გამოყენება ქცევითი ეკოლოგიის კვლევებში.
თებერვალში სამეცნიერო საჯარო ბიბლიოთეკაში გამოქვეყნებულმა კვლევამ აჩვენა, რომ 2017 წლის შემდეგ, ვეშაპების “სიმღერის“ უნარი შემცირდა.
რეგიონში დათბობა 2013 წელს დაიწყო, როდესაც ცხელი წყლის ნაკადი ბერინგის ზღვიდან და ალასკის ყურიდან აშშ-ის დასავლეთ სანაპიროსთან მდებარე წყლებში გადავიდა.
ამავდროულად, დადგინდა რომ ტოქსიკური იყო კვებითი ჯაჭვი. რამაც „ზღვის ძუძუმწოვრების, მათ შორის ვეშაპების, ყველაზე დიდი მოწამვლა“ გამოიწვია. სიცხემ იმდენად იმოქმედა ჰაბიტატზე, რომ ვეშაპების “გალობა“ შეამცირა.
მონტერეის ყურის აკვარიუმის კვლევითი ინსტიტუტის ბიოლოგიურმა ოკეანოგრაფმა და ანგარიშის თანაავტორმა ჯონ რაიანმა, ეს აღწერა, როგორც „ყველაზე დიდი ზღვის ძუძუმწოვრების მოწამვლა, რაც კი ოდესმე დაფიქსირებულა“.
კვლევაში ნათქვამია რომ ლურჯი ვეშაპების “სიმღერა“ 40 პროცენტით შემცირდა.
