ემიგრაციაში კიდევ ერთი ქართველი, თინა ბრეგვაძე გარდაიცვალა, ამის შესახებ სოციალურ ქსელში მანანა ტაბატაძე წერს:
“მატერას ქართველ ემიგრანტულ საზოგადოებას ძალიან მწარე ამბავი დაატყდა თავს, სამწუხაროდ, ჩვენი თანამემამულე თინა ბრეგვაძე ამ სამყაროს გამოეთხოვა… ჩემი ღრმა სამძიმარი და თანაგრძნობა მის ოჯახსა და ახლობლებს. ინფორმაციის მოძიება მარტივი არ იყო და ამაზე სხვა დროს მოგიყვებით… ვესაუბრე პასუხისმგებელ პირს, იტალიელ ქალბატონს და გაცნობებთ, რომ ამ ეტაპზე გარდაცვლილთან მისვლა შეუძლებელია, რადგან ხვალ დილით ექსპერტიზის დასკვნა უნდა მომზადდეს (ეს მათი ბიუროკრატიული პროცედურების ნაწილია).
ხვალ, დაახლოებით 16:00 საათზე, მეცოდინება დაზუსტებით, პარასკევს რომელ საათზე იქნება შესაძლებელი თინასთვის უკანასკნელი პატივის მიგება. როგორც კი დაზუსტებული დრო გახდება ცნობილი, აუცილებლად გაგიზიარებთ. ნათელი მის წმინდა სულს. ძალა და მოთმინება ოჯახს და მის უახლოესებს”. წერს, მატერაში მცხოვრები ემიგრანტი მანანა ტაბატაძე
