სრულიად ჯანმრთელი ძმისშვილი მომიკლეს – ოჯახი ქუთაისში, ,,ხონელიძის კლინიკას” გულგრილობაში ადანაშაულებს.
როგორც ,,მეგა ტვ”-ს ანა ჯიშიაშვილი უყვება 12 ივნისს, მისი რძლის საკეისრო კვეთაზე შეყვანის შემდეგ, ოჯახს აცნობეს რომ ბავშვი 2 დღის გარდაცვლილი იყო, თუმცა როგორც ანა ამბობს 10 ივნისს ექოსკოპიაზე ბავშვი მოძრაობდა. მისივე თქმით საკეისროს დღეს ბავშვის გულისცემაც კი მოისმინა კლინიკის პერსონალმა, რაზეც მოგვიანებით ოჯახს განუცხადეს რომ, შეეშალათ და ეს არა ბავშვის, არამედ დედის გულისცემა იყო.
,,სრულიან ჯანმრთელი ძმისშვილი მომიკლეს. მკურნალი ექიმი ირმა ფორჩხიძე იყო, საკეისრო ირმას მეუღლემ გია ჯოჯუამ გააკეთა.
სამშაბათს ეხო გადაუღეს, კარგად იყო ყველაფერი, ჩანიშნეს საკეისრო ხუთშაბათს. ბლოკში აყვანამდე მოისმინეს ბავშვის გულის ცემა, მშვენივრად იყო ყველაფერი. აიყვანეს და საკეისროზე შეიყვანეს. ოპერაციის შემდეგ გვითხრეს, ბავშვი 2 დღის დაღუპული იყო მუცელშიო, აერიათ ბავშვის და დედის გულისცემაო. გაზრდილი ბავშვი მოგვიკლეს თავის დაუდევრობით. ექთანმა მოისმინა გულისცემა და შემდეგ თქვეს შევცდითო. ჯალათები ახლა თავს იმართლებენ.
ორი დღის მკვდარი თუ იყო ბავშვი მუცელში, სამშაბათს მისული უკან რატომ გამოაბრუნეს და საკეისრო ხუთშაბათს ჩაუნიშნეს. ეხო გადაუღეს, ბავშვი მოძრაობდა, რიგზე იყო ყველაფერი. სურათი გამოატანეს და დამშვიდებული გამოუშვეს.
სანამ ფული არ ჩაგვარიცხინეს მანამ არ შეიყვანეს ორსული, ფოიეში ალოდინეს. როცა ჩარიცხავთ ფულს მერე შემოდითო.
ჯანდაცვის სამინისტროს ცხელ ხაზზე დავრეკე და ვესაუბრე. ასევე მიმდინარეობს გამოძიება. ექსპერტიზაზეც ყავდათ ახალშობილო და დნმ-ის ანალიზიც გაუკეთდა .
არ უნდა შერჩეთ ჯალათ ექიმებს ეგ უყურადღებობა. მერამდენე შემთხვევაა უკვე.” – ამბობს ანა ჯიშიაშვილი” ,,მეგა ტვ-თან” საუბრისას.
,,მეგა ტვ” აგრძელებს თემაზე მუშაობას.
