ბალდის კანიონის ინვესტორი კომპანიის, „კანიონი 350-ის“ დირექტორი, გიორგი მერკვილაძე, სენაკის რაიონულმა სასამართლომ სისხლის სამართლის საქმეში დამნაშავედ ცნო. ბალდის მოძრაობის წევრზე ფიზიკური ძალადობის გამო, მას სისხლის სამართლის კოდექსის 126-ე მუხლის პირველი ნაწილის მიხედვით დაეკისრა ჯარიმა 1 000 ლარი.
საქმე ეხება 2023 წლის 10 ოქტომბერს, დაცული ტერიტორიების ოფისში მომხდარ ფაქტს, როცა მოსახლეობამ კანიონის შესახებ მიმდინარე შეხვედრაზე დასწრების სურვილი გამოთქვა და ამის უფლება არ მიეცა.
“თავდასხმა 2023 წლის 10 ოქტომბერს, დაცული ტერიტორიების ოფისში მოხდა, როცა ბალდის მოსახლეობამ მათგან მალულად გაიჯარებული ბალდის კანიონის შესახებ მიმდინარე შეხვერაზე დასწრების სურვილი გამოთქვა.
გიორგი მერკვილაძე ბრალდებულია კიდევ ერთ, მოსახლეობაზე ჯგუფური ძალადობის საქმეში, რომლის განაჩენსაც დღემდე ველოდებით. კომპანია “კანიონი350” დაცული ტერიტორიების სააგენტოს ოფიციალური პარტნიორი კომპანიაა. სწორედ ერმანეთთან კორუფციული გარიგების გზით, ადგილობრივებისგან მალულად გასხვისდა ბალდის კანიონი და მდინარეზე ჩასვლა 40 წლით აგვეკრძალა.
დღეს, სოფელ ბალდის მოსახლეობა მე-500 დღეს ატარებს საპროტესტო კარავში მოთხოვნით:
გაუქმდეს უკანონოდ გაცემული იჯარის ხელშეკრულება დაუბრუნდეს ხალხს ის, რაც მისია “- წერენ ბალდის კანიონის შესანარჩუნებლად მოძრაობის წევრები “აუცილებლად გავასაჩივრებ ამ გადაწყვეტილებას შემდეგ ინსტანციაში და მივყვები ბოლომდე. როგორ შეიძლება მე დამდონ ბრალი ძალადობაში, როცა აქეთ შემომეჭრა ოთახში. ამაზე საქმე რომ აღძრეს, ესეც კი დანაშაულად მიმაჩნია”, – აცხადებს თავად მერკვილაძე
