აშშ-ის კალიფორნიის შტატში, ლოს-ანჯელესის პასიფიკ პალისეიდსის რაიონში ტყის ხანძრის გავრცელების გამო 30 000-ზე მეტი ადამიანის ევაკუაცია გამოცხადდა, – ინფორმაციას CNN-ი ავრცელებს.
ლოს-ანჯელესის სახანძრო სამსახურის ხელმძღვანელის, კრისტინ კროულის განცხადებით, ხანძარი 500 ჰექტრამდე ტერიტორიაზეა გავრცელებული. შექმნილი მდგომარეობის გამო, ქალაქში საგანგებო მდგომარეობა გამოცხადდა.
კროულის ინფორმაციით, ადგილზე მობილიზებულია 250 მეხანძრე-მაშველი, ვერტმფრენებით, სახანძრო მანქანებით და სხვა საჭირო აღჭურვილობით.
ხანძარს გამოეხმაურა კალიფორნიის გუბერნატორი, გევინ ნიუსომი.
“კალიფორნიაში აღარ არის ხანძრის სეზონი, სამაგიეროდ არის “ხანძრის წელი“, – განაცხადა გუბერნატორმა.
მისი ინფორმაციით, ხანძრის შედეგად ბევრი ნაგებობა განადგურდა.
წყარო: ამბები. ge
