ზუგდიდში ნარკოტიკების ზედოზირებით სამი ახალგაზრდაა გარდაცვლილი. ინფორმაციას სოციალურ ქსელში ჟურნასლიტი ლაშა ბერულავა ავრცელებს და წერს რომ საახალწლოდ ქალაქში მომაკვდინებელი ნარკოტიკები გავრცელდა.
“სამწუხაროდ, ზუგდიდში საახალწლოდ შემოყრილი ნარკოტიკის ზედოზირებით სამი ახალგაზრდაა გარდაცვლილი ბოლო ერთ კვირაში: დეტალებს არ დავწერ, ცოდვის ტირილია ოჯახებში. Keta Tsitskishvili, როდის წერდი კონკრეტულ თარიღზე და მაინც ვერ ავიცილეთ თავიდან.
თანაგრძნობას ვუცხადებ გარდაცვლილთა მშობლებსა და ახლობლებს” – წერს სოციალურ ქსელში ჟურნალისტი ლაშა ბერულავა.
“ახალი წელი და ზოგადად ქვეყანაში შექმნილი მდგომარეობა, რა თქმა უნდა, აძლიერებს ნარკოტიკების მოხმარებას და ზრდის რისკებს. ბოლო ერთი კვირის განმავლობაში არაერთი შემთხვევა დაფიქსირდა ზედოზირების. გავრცელებული ინფორმაციით, ეფექტებით და შედეგებით, რასაც მწერენ, ბოლომდე დარწმუნებული არ ვარ, თუმცა დიდი ალბათობით ეს არის ნარკოტიკი, რომელსაც “დოქტორ ნარკოტიკს” უწოდებენ და რომელიც დღეს გავრცელებულია სხვადასხვა ქვეყანაში, მათ შორის ჩვენს მეზობელ ქვეყნებში.
2,5-დიმეთოქსი-4-ქლორამფეტამინი (DOC) არის სინთეზური ქიმიური ნაერთი ამფეტამინებისა და ფსიქოდელიკების კლასიდან. ის ცნობილია თავისი ძლიერი ჰალუცინოგენური ეფექტებითა და ხანგრძლივი მოქმედებით. DOC მიეკუთვნება ფენილეთილამინების ოჯახს და 2C ქიმიის წარმოებულს, რომელიც ალექსანდრ შულგინმა შეიმუშავა.DOC-ის ძირითადი მახასიათებლები:1. ქიმიური სტრუქტურა:DOC არის მოდიფიცირებული ამფეტამინი, რომელიც შეიცავს მეთოქსიგ룹ებს2. ეფექტები:• ძლიერი ფსიქოდელიური გამოცდილება, მათ შორის ნათელი ვიზუალური ჰალუცინაციები.• ინტენსიური ცვლილებები სივრცისა და დროის აღქმაში.• ეიფორიის, ენერგიისა და კონცენტრაციის ზრდის შეგრძნება.• ფილოსოფიური ფიქრები და ღრმა თვითანალიზი.3. დოზირება:DOC აქტიურია მიკროდოზებში. ჩვეულებრივი დოზა შეადგენს 0,5-დან 5 მგ-მდე, რაც მას ძლიერ მოქმედ ნაერთად აქცევს. ის ხშირად გამოიყენება ფხვნილის ან ტაბლეტების სახით.4. მოქმედების ხანგრძლივობა:• მოქმედების დრო: 12–24 საათი, დამოკიდებულია დოზაზე.• ეფექტი შეიძლება დაიწყოს მიღებიდან 2 საათის შემდეგ, რაც ზოგჯერ იწვევს ზედოზირებას მოთმინების ნაკლებობის გამო.5. რისკები:• შესაძლებელია გვერდითი მოვლენები, როგორიცაა შფოთვა, გახშირებული გულისცემა, ჰიპერტონია, ტრემორი.• DOC-ს შეუძლია გამოიწვიოს ძლიერი ფსიქიკური რეაქციები, მათ შორის შფოთვა, პანიკური შეტევები და პარანოია.• მაღალი დოზების შემთხვევაში არსებობს გულის დაზიანების (კარდიოტოქსიკურობის) რისკი და სიკვდილი.• ზედოზირების მაღალი ალბათობა, რადგან ის ძლიერია მცირე დოზებში.6. სამართლებრივი სტატუსი:• DOC აკრძალულია უმეტეს ქვეყნებში მისი ფსიქოაქტიური თვისებების გამო.
DOC არის მაღალი რისკის მქონე ნივთიერება, განსაკუთრებით მოუმზადებელი მომხმარებლებისთვის. თუ თქვენ ან თქვენს გარემოცვაში ვინმე წააწყდა მსგავსი ნივთიერებების გამოყენებას, მნიშვნელოვანია პროფესიონალურ დახმარებაზე მიმართვა რაც არაერთხელ დამიწერია!!გაუფრთხილდუთ საკუთარ თავს და ჯანმრთელობას !” – წერდა სოციალურ ქსელში ნარკოლოგი ზურაბ სიხარულიძე 3 იანვარს.
