ქუთაისის საკრებულოს თავმჯდომარე ირაკლი შენგელია სოციალურ ქსელში “ქართული ოცნების” მიერ მიხეილ ყაველაშვილის პრეზიდენტად არჩევას ეხმიანება. ირაკლი შენგელია ერთ-ერთი ხმოსანი იყო, რომელმაც “ქართული ოცნების” საპრეზიდენტო კანდიდატურას დღეს მხარი დაუჭირა.
მის პოსტს უცვლელად გთავაზობთ:
“საქართველოს კონსტიტუციის 50-ე მუხლის შესაბამისად, საქართველოს პრეზიდენტი საარჩევნო კოლეგიის მიერ იქნა არჩეული.
ვულოცავ ბატონ მიხეილ ყაველაშვილს საქართველოს პრეზიდენტად არჩევას.
საქართველოს ტერიტორიული მთლიანობის აღდგენა, დეოკუპაცია, ევროინტეგრაცია, ეს არის მთავარი მიზანი რასაც საზოგადოების გაერთიანებით უნდა მივაღწიოთ. იმედი მაქვს, ეს მიზანი იქნება საქართველოს პრეზიდენტის მთავარი დღის წესრიგი.
მინდა მადლობა გადავუხადო საარჩევნო კოლეგიის თითოეულ წევრს.” – წერს ქუთაისის საკრებულოს თავმჯდომარე ირაკლი შენგელია სოციალურ ქსელში.
