პარტია “თავისუფალი საქართველოს” თანათავმჯდომარემ გოგი წულაიამ ბიძინა ივანიშვილს წერილი გაუგზავნა. წულაიამ თქვა, რომ ის ამერიკელი კონგრესმენების შემდეგ მეორეა, ვინც ივანიშვილს წერილს უგზავნის.
როგორც წულაიამ აღნიშნა ბიძინა ივანიშვილს საგანგაშო მონაცემები გაუგზავნა. წულაია ამბობს, რომ მის მიერ გამოთხოვილი ინფორმაციის მიხედვით, 2019 წელს ქუთაისში ელექტროენერგია 18 000 ოჯახს ჩაეჭრა, ხოლო წყალი 5 860 აბონენტს.
“ამერიკელი კონკრესმენების შემდეგ, მე ვუგზავნი წერილს ბიძინა ივანიშვილს თუ რა სიტუაციაა ამ ქალაქში. რატომ გეუბნებიან კონგრესმენები, რომ კატასტროფა გაქვს ქვეყანაში. აბონენტების რაოდენობა, რომლებსაც ელექტროენერგიასა და წყალს უჭრიან, ყოველწლიურად იზრდება. ქუთაისის მერია ნახევარ მილიონამდე ლარს ხარჯავს სოციალურად დაუცველების კვებაში. ეს არის კატასტროფული მონაცემები. ივანიშვილს ვუგზავნი ამ რიცხვებს და ვეუბნები, რომ ქვეყანა იღუპება,”-განაცხადა გოგი წულაიამ.
