„შავი ლომი“ ავჭალის სტადიონზე დღეს ესპანეთის „იბერიანსს“ დაუპირისპირდება

„შავი ლომი“ რაგბი ევროპის სუპერთასის წლევანდელი გათამაშების პირველ საშინაო შეხვედრას დღეს გამართავს.

მესამე ტურში ქართველი მორაგბეების მეტოქე ესპანეთის „იბერიანსი“ იქნება, რომელიც პირველ წრეში სტუმრად 54:3 დაამარცხეს.

წინა მატჩისგან განსხვავებით, მთავარმა მწვრთნელმა რიჩარდ კოკერილმა ძირითად შემადგენლობაში 6 ცვლილება შეიტანა, ნოდარ დოლიძის სახით კი, გუნდში ერთადერთი დებიუტანტია. შეხვედრა ავჭალის სტადიონზე 18:30 საათზე დაიწყება.