გარემოს დაცვისა და სოფლის მეურნეობის სამინისტროს გარემოსდაცვითი
ზედამხედველობის დეპარტამენტის თანამშრომლებმა, უკანონო ტყითსარგებლობასთან
ბრძოლის ფარგლებში, იმერეთსა და შიდა ქართლში 2 უკანონო სახერხი საამქრო
გამოავლინეს.
ბაღდათის მუნიციპალიტეტის სოფელ ვარციხეში, მოქალაქეს არარეგისტრირებული
ლენტური ტიპის სახერხი საამქრო საკარმიდამო ტერიტორიაზე, დამხმარე ნაგებობაში
ჰქონდა მოწყობილი. მიმდებარედ განთავსებული იყო თხმელის (მურყანის) სახეობის 4
ერთეული დაუფინიშებელი მრგვალი ხე-ტყე (მორი).
ქარელის მუნიციპალიტეტის სოფელ ბებნისის მეურნეობაში გამოვლენილი
არარეგისტრირებული ლენტური ტიპის სახერხი საამქროს ტერიტორიაზე კი,
დეპარტამენტის თანამშრომლებმა წიწვოვანი სახეობის 7 კუბური მეტრი მოცულობის
მრგვალი ხე-ტყე (მორი) დალუქეს.
ვინაიდან ორივე ფაქტი შეიცავს სისხლის სამართლის დანაშაულის ნიშნებს, მასალები,
შემდგომი რეაგირების მიზნით შესაბამის უწყებებში გადაიგზავნა.
გარემოსდაცვითი ზედამხედველობის დეპარტამენტის ეკიპაჟები ქვეყნის მასშტაბით 24-
საათიან უწყვეტ პატრულირებას ახორციელებენ, რათა დროულად მოხდეს უკანონო
ტყითსარგებლობის, ნადირობის, თევზჭერისა და სხვა გარემოსდაცვითი
სამართალდარღვევის ფაქტების პრევენცია, გამოვლენა და აღკვეთა. ამასთან, მყისიერი
რეაგირება ტარდება გარემოს დაცვისა და სოფლის მეურნეობის სამინისტროს ცხელ
ხაზზე (153) შემოსულ თითოეულ შეტყობინებაზე.
ტრაგედიას 4 წლის ლაზარე თოლორია ემსხვერპლა
4 წლის ლაზარე თოლორაია ემსხვერპლა ტრაგედიას, რომელიც სოფელ რიყეში დატრიალდა. თვითმხილველთა ინფორმაციით, ბავშვმა ბიძამისის ეზოში მდებარე აუზის წყლით ავსება მოინდომა, წყლის მოშვების შემდეგ კი, სავარაუდოდ, ფეხი აუცურდა და აუზში გადავარდა....
