”წელს, ჩემს სოფელში, შობის ღამეს არ ივლიან მახარობლები” – ხონში ავარიაში დაღუპულ ახალგაზრდა ბიჭებს სოციალურ ქსელში ახლობლები ემშვიდობებიან და ემოციურ პოსტებს აქვეყნებენ.
”წელს, ჩემს სოფელში, შობის ღამეს არ ივლიან მახარობლები… არც მომავალ წელს ვიზეიმებს ბედობას ერთად!… ბნელი და ცივი ღამე კაშკაშა მზემ შეცვალა – გათენდა! გათენდა ყველასთვის, მაგრამ ჩემს სოფელში ისევ მწუხრია… და უკვე ყველა სიტყვამ დაკარგა ძალა!… ივლიან დედები და მამები ძაძებით, იმედით – მალე შევხვდებით! და წელს, ჩემს სოფელში…” – წერს მარიკა ვაჭარაძე თავის ფეისბუკზე
”ჩვენი ბრალია ამ ბიჭების სიკვდილი.
ჩემი ბრალია იმიტომ რომ იქ არ ვარ და ვერ დავარიგე რომ ასე არ შეიძლებოდა სიარული, მამაჩემის ბრალია იმიტომ რომ არ იცოდა ალბათ და არ უთხრა რომ ნუ შვებით ბიჭებო ასეო, მეგობრების ბრალია რომლებმაც ხშირად არ უთხარით რომ სიკვდილთან თამაში არ შეიძლება, მეზობლების ბრალია, სკოლის ბრალია, სოფლის და მისი ავტორიტეტების ბრალია, პოლიციის ბრალია ლომის წილი, საზოგადოების ბრალია რომელმაც არ და ვერ აჩვენა ამ ბიჭებს რომ სიცოცხლეა თვით სიამოვნება და არა BMW ს სიჩქარით მიღებული ადრენალინი, და ყველა თქვენი ბრალია ვინც ამ უიმედობის, უსამართლობის, უსაქმურობის, უმოტივაციობის და უპერსპექტივობის შექმნას შეუწყვეთ ხელი, თქვენ შექმენით ეს ცხოვრება ეგ ბიჭები რომ დედას აგინებდნენ და ჯავრს იყრიდნენ…
ყველა დამნაშავეები ვართ.
ყ ვ ე ლ ა !!!” – წერს მერაბ კიკაბიძე სოციალურ ქსელში.
კუხის მაცხოვრებლები გიორგი ჩანქსელიანი და ვალოდიკო ბალანჩივაძე გუშინ ავტოავაარისას ხონში დაიღუპნენ. ერთი დაშავებული საავადმყოფოშია გადაყვანილი და მართვით სუნთქვაზე იმყოფება.
