ექსკლუზიურად ქუთაისისთვის შექმნილი ღვინო, რომელიც პრინციპულად მხოლოდ ამ ქალაქში იყიდება. იმერული სიკეკლუცით გამორჩეულ ციცქა-ცოლიკაურის თეთრ მშრალ ღვინოს “ცისფერყანწელები” 26 წლის ქრისტინე მაღლაკელიძე იმერეთში, ზესტაფონის სოფელ როდინაულში ოჯახთან ერთად ამზადებს.
როგორც ქრისტინე მაღლაკელიძე “მეგა ტვ”-თან საუბრისას აღნიშნავს ღვინის სახელწლოდება “ცისფერყანწელების” შემოქმედების პოპულარიაზაციას ემსახურება, რათა ქართველ სიმბოლისტ პოეტთა და პროზაიკოსთა შემოქმედებითმა გაერთიანებამ ადამიანების დამსახურებული ყურადღება მიიქციოს.
ღვინის ეტიკეტირება სრულად “ცისფერყანწელების” მოღვაწეობას ასახავს და მასზე დატანილა ჩანაწერი ტიციან ტაბიძის შემოქმდებიდან, სასმელის მთავარი ლოზუნგი კი არის “ღვინო ურთიერთობისთვის”.
მაღლაკელიძეების ოჯახში ღვინის წარმოებას მრავალწლიანი ტრადიცია აქვს. თუმცა 2017 წელს ქრისტინეს ამ საქმიანობაში ჩართვამ საოჯახო ბიზნესი სხვა საფეხურზე აიყვანა. ქრისტინე როგორც სხვა ბევრი ქალი მეღვინე ამტკიცებს რომ, მეღვინეობა მხოლოდ მამაკაცის საქმე არ არის.
“ბაბუა ღვინოს რეალიზებას უწევდა. მე კი გადავწყვიტე რომ ამ ღვინისთვის ისეთი ფორმა მიმეცა, რომელიც საშუალებას მოგვცემდა რომ უფრო მეტი ადამიანისთვის გაგვეზიარებინა ეს ძვირფასი ალკოჰოლური სასმელი. თავიდან ოჯახი ძალიან სკეპტიკურად უყურებდა, მაგრამ ახლა ძალიან უხარიათ რომ ეს მშვენიერი ფორმა შევარჩიეთ.
საერთოდ ძალიან უსამართლო განცხადებაა, რომ ღვინო არის კაცის საქმე, იმიტომ რომ ისტორიულად საქართველოში ვენახშიდაც და მარანშიდაც ქალი ზუსტად ისე ძალისხმევით საქმიანობს, როგორც მამაკაცი.”
“ციფერყანწელები”-ს წარმოება ჯერ-ჯერობით 500 ბოთლს მოიცავს და იგი მხოლოდ ქუთაისში იყიდება.
როგორც ახალგაზდა მეღვინე “მეგა ტვ”-თან საუბრისას აღნიშნავს ქართული მეღვინეობით ევროპა ძალიან დაინტერესებულია და ყურადღებას ის პროდუქტი იქცევს, რომელიც ორგანული, ბუნებრივია და მასიურ წარმოებაზე არ არის გათვლილი.
“ჩვენ მსოფლიოს მრავალფეროვნებაში ჩვენი უნიკაური გემოებით შეგვაქვს ავთენტური მრავალფეროვნება.” – ამბობს მეღვინე.
იმ ადამიანეს კი ვისაც მეღვინეობის დაწყება სურთ ქრისტინე მაღლაკელიძე გამბედაობასა და საკუთარ თავში შესაბამისი ძალისხმევის პოვნას უსურვებს. თავად კი, ახალგაზრდა იმერელი მეღვინე, სამომავლოდ, ვენახების გაფართოებასა და ახალი ექსპერიმენტების მოსინჯვას გეგმავს. ქრისტინე მაღლაკელიძე ყველას უსურვებს იპოვონ შესაბამისი ღვინოები, რათა ადამიანები გაიხსნან, კარგი დრო გაატარონ ერთად და დატკბნენ ერთმანეთით.
აქვე გეტყვით რომ იმერული კეკლუცი ღვინის “ცისფერყანწელები” შეძენა საახალწლო ბაზრობაზე შეგიძლიათ.
