2018 წლის მარტში ქუთაისის მერიამ გადაწყვიტა ნიკეას ქუჩაზე, 36 მეტრის სიმაღლის სადგამზე დროშა აღემართა. თუმცა დროშის აღმართვის მცდელობა თითქმის 2 წელია, უშედეგოა.
ქუთაისის მერიამ პირველი ტენდერი საპროექტო-სახარჯთაღრიცხვო დოკუმენტაციის შესადგენად 2018 წლის მარტში გამოაცხადა. ტენდერის ღირებულება 4500 ლარი იყო, თუმცა ტენდერი არ შედგა. ინფორმაციას ფლანგველი დეტექტორი ავრცელებს.
მოგვიანებით 2018 წლის აპრილში მერიამ დროშის დასადგამად მეორე ტენდერი გამოაცხადა, ამჯერად ქუთაისის მერიამ მზად იყო 65, 651 ლარი გადაეხადა, თუმცა აღნიშნული ტენდერიც არ ჩაიშალა.
2019 წელის თებერვალში მერიამ მესამე ტენდერი გამოაცხადა ამჯერად 36,299 ლარის ღირებულების. თუმცა მერიამ სამი ტენდერი ისე გამოაცხადა, რომ შესწავლილი არ ჰქონდა მიწა, რომელზეც დროშის სადგამი უნდა განთავსებულიყო.
მეოთხე ტენდერის დროს მერიამ ნიადაგის კვლევა გადაწყვიტა და გეოლოგიური შესწავლის მიზნით 5000-ლარიანი ტენდერი გამოაცხადა. ტენდერი არც ამჯერად შედგა.
მეხუთეჯერ ტენდერი ქუთაისის მერიამ 2019 წლის ნოემბერში გამოაცხადა – ამჯერად 49, 959 ლარის ღირებულების. ტენდერი საკრებულოს დეპუტატის, ამირან კოპალეიშვილის ოჯახის კომპანიამ “გიან -2011”-მა მოიგო, თუმცა, ტენდერის დასრულებიდან მალევე კომპანიამ ხელშეკრულების დადებაზე უარი განაცხადა და ტენდერი კვლავ ჩაიშალა.
ქუთაისის მერია არ ნებდება და 1 წლისა და 8 თვის შემდეგ კვლავ გამოაცხადა მეექვსე ტენდერი. ტენდერის ღირებულება კვლავ 49,959 ლარია.
2019 წელს ქუთაისის ბიუჯეტიდან 5-ჯერ ნაკლები დაიხარჯა ოჯახური ძალადობის მსხვერპლთა, ან მარტოხელა მშობელთა დასახმარებლად.
წყაროები:
ტენდერი 1 – NAT180003520
ტენდერი 2 – NAT180005887
ტენდერი 3 – NAT190004381
ტენდერი 4 – NAT190014310
ტენდერი 5 – NAT190022000
ტენდერი 6 – NAT190025060
