ბერძენი ფილოსოფოსი ანაქსიმანდრე მილეტელის მიერ შექმნილ მსოფლიოს პირველ რუკას, რომელზედაც მდინარე რიონი და შავი ზღვაა დატანილი “ქუთაისი” აზიარებს და წერს:
„ყველა საკრალურ და ისტორიასთან მიჯაჭვულ ქალაქს აქვს საკუთარი ძარღვი, მუდმივი მოძრაობის და დროში არ დაკარგვის სიმბოლო.“ ქუთაისს აქვს რიონი. როგორც მისი მუდმივი კავშირი მსოფლიოსთან და ძველთაძველ წარსულთან.
ამ ფაქტის კიდევ ერთი მტკიცებულება გახლავთ ეს რუკა, რომელიც მსოფლიოს პირველ რუკად მიიჩნევა და მისი შემდგენელია ბერძენი ფილოსოფოსი ანაქსიმანდრე მილეტელი, (ძვ. წ. 610-დან დაახლოებით 546 წ.), რომელსაც დიდი როლი მიუძღვის კარტოგრაფიის ევოლუციის განვითარებაში.
რუკის ღირსშესანიშნაობას წარმოადგენს მისი წრიული ფორმა, სადაც ცენტრში მოქცეულია ევროპის, აზიისა და ლიბიის (აფრიკა) იმ დროისთვის ცნობილი მიწები, რომლებიც გარშემორტყმული იყო ერთი დიდი ოკეანით. მდინარე ფაზისი (ამჟამინდელი მდინარე რიონი) იყო გამყოფი ხაზი ევროპასა და აზიას შორის, ხოლო მდინარე ნილოსი იყო გამყოფი ხაზი აფრიკასა და აზიას შორის.
რუკა იმ დროისთვის გამოიყენებოდა ნავიგაციის და ვაჭრობის განსავითარებლად.
წრიული გამოსახულება, მოიცავდა მთელ დასახლებულ მიწას, რაც ცნობილი იყო ძველი ბერძნებისთვის. იგი შეუცვლელი დამხმარე გახდა მეზღვაურებისა და ვაჭრებისთვის რომლებიც ხმელთაშუა ზღვის აუზში დაცურავდნენ.
პრაგმატული სარგებლობის გარდა, რუკა განასახიერებდა ღრმა ფილოსოფიურ საფუძველს – ადამიანის მიერ სამყაროს შეცნობისკენ სწრაფვას. ჩვენთვის კი იგი – შუაში გამდინარე ფაზისით, ჩვენი უძველესი ისტორიის და მარადიულობის ნივთმტკიცებაა.” – წერს გვერდი “ქუთაისი”
