იმერეთსა და საქართველოში ყველაზე მეტად მონახულებადი ადგილი პრომეთეს მღვიმეა, ამის შესახებ იმერეთის ტურიზმის ცენტრის დირექტორმა ტატო ლილუაშვილმა “მეგა ტვ”-თან საუბრისას განაცხადა. პრომეთეს მღვიმე მერეთის რეგიონში, წყალტუბოს მუნიციპალიტეტში მდებარეობს. მისი სიგრძე 1,8 კმ-ია და მიწის ზედაპირიდან 40 მ-ის სიღრმეშია წარმოქმნილი.
სხვადასხვა ფერის სტალაგმიტები და სტალაქტიტები, ბუნების მიერ გამოთლილი უცნაური ფორმის ფიგურები – სწორედ ესა პრომეთეს მღვიმე. 1984 წლის 15 ივლისს სპელეოლოგიური ექსპედიციის წევრებმა აღმოაჩინეს ახალი მღვიმე, რომელიც ზღვის დონიდან 100 მეტრის სიმაღლეზე მდებარეობს.
პრომეთეს მღვიმე ულამაზესი ნაღვენთი ფორმებით გამოირჩევა, ამიტომაც, შესვლისთანავე თავი ზღაპარში გეგონებათ. აქ ნახავთ განსაკუთრებული ფორმის სტალაქტიტებს, სტალაგმიტებს, სტალაგნატებს, გაქვავებულ ჩანჩქერებსა და ჩამოკიდებულ ქვის ფარდებს, რომელთა შექმნასაც მილიონობით წელი სჭირდება. იქ, 16 სხვადასხვა ზომის დარბაზია. ყველაზე ლამაზი დარბაზი, რომელიც გამოირჩევა სტალაგმიტებისა და სტალაქტიტების სიმაღლით „რუსთველი“ ეწოდება.
ვიზიტორთათვის განკუთვნილი საექსკურსიო მონაკვეთი შედგება 6 დარბაზისაგან. ესენია: „არგონავტების დარბაზი“, „კოლხეთისდარბაზი“, „მედეას დარბაზი“, „სიყვარულის დარბაზი“, „პრომეთეს დარბაზი“, „საქართველოს“, ანუ „იბერიის დარბაზი“. საფეხმავლო ბილიკის გავლის შემდეგ, ვიზიტორებს შეუძლიათ ისარგებლონ სანაოსნო ტურით მღვიმეში გამდინარე ნაკადზე, რომელსაც წარმოქმნის მდინარე ყუმი. მღვიმიდან გამოსვლა შესაძლებელია როგორც საფეხმავლო, ისე სანაოსნო გზით. მთავარ შესასვლელთან მე-60 მეტრზე მღვიმეს ახშობს ტბა.
პრომეთეს მღვიმის ბუნების ძეგლი ქუთაისიდან 21 კილომეტრში მდებარეობს. მანქანით აქ ნახევარი საათში მოხვდებით. მღვიმე ორშაბათის გარდა, ყოველ დღე 10:00-დან 17:00 საათამდე მუშაობს. მღვიმეში წყლის დონის მატებისას, ვიზიტორთა უსაფრთხოებიდან გამომდინარე, ნავით გადაადგილება აკრძალულია.
მომსახურების სახეები და ღირებულება
- ბილეთი 6 წლამდე ბავშვებისთვის – უფასო;
- ბილეთი არასწრულწლოვანებისთვის (6 წლიდან 18 წლამდე) – 5.50 ლარი;
- ბილეთი, საქართველოს მოქალაქეებისთვის და რეზიდენტი პირებისთვის გარდა არასრულწლოვანებისა – 11.50 ლარი (საჭიროა პირადობის მოწმობის დამადასტურებელი საბუთის წარდგენა!);
- სხვა ქვეყნის მოქალაქეებისთვის, გარდა არასწრულწლოვანებისთვის – 23 ლარი;
- ნავით გადაადგილება მღვიმეში (საქართველოს მოქალაქეებისთვის და რეზიდენტი პირებისთვის) – 11.50 ლარი;
- სხვა ქვეყნის მოქალაქეებისთვის (ნავით გადაადგილება მღვიმეში) – 17.25 ლარი;
- მოსწავლეთა და სტუდენტთა ჯგუფის ვიზიტის დროს, ერთი სკოლის, კოლეჯის ან სასწავლო უნივერსიტეტის პედაგოგი – უფასო;
- ტურისტული სააგენტოს გიდები (ხელშეკრულების არსებობის შემთხვევაში) – უფასო;
ნავით გადაადგილება მღვიმეში:
- საქართველოს მოქალაქე და რეზიდენტი პირები – 10 ლარი;
- სხვა ქვეყნის მოქალაქეები – 15 ლარი;
პრომეთეს მღვიმს აუცილებლად უნდა ესტუმროთ ოჯახთან ან მეგობრებთან ერთად. სტუმრობისთვის შაბა-კვირა შესანიშნავი გადაწყვეტილებაა.
